Tags-Sahra

ab hiire motī ugleñge ye bāġh-o-sahrā koh-o-daman
ai sub.h-e-vatan ai sub.h-e-vatan

pattiyāñ jhuk ga.iiñ murjhā ga.e sahrā ke shajar
rah ga.e josh meñ bahte hue dariyā tham kar

chaliye ab sahrā se kū-e-yār unheñ dikhlā.iye
ābloñ se paañv meñ do-chār āñkheñ ho ga.iiñ

jab tirī dhun meñ kahīñ lāla-e-sahrā dekhā
ham ye samjhe ki tirā naqsh-e-kaf-e-pā dekhā

ik dard kā phailā huā sahrā hai ki maiñ huuñ
ik mauj meñ aayā huā dariyā hai ki tum ho

nikal ke sahrā se jis ne ruumā kī saltanat ko ulaT diyā thā
sunā hai ye qudsiyoñ se maiñ ne vo sher phir hoshiyār hogā

zindagī bhar ham isī ummīd par chalte rahe
ab ke sahrā paar kar leñ to samundar aa.egā

ab najd ke sahrā meñ na kāñTe na sadā.eñ
ab qais hai koī na koī ābla-pā hai

chashmoñ ko shikāyat hai ki sho.aloñ meñ ghire haiñ
sahrā ko ye dukh hai ki paḌā suukh rahā hai

sarishk-e-sar ba-sahrā daada nūr-ul-ain-e-dāman hai
dil-e-be-dast-o-pā uftāda bar-ḳhurdār-e-bistar hai

baham bālīdan-e-sañg-o-gul-e-sahrā ye chāhe hai
ki tār-e-jāda bhī kohsār ko zunnār-e-mīnā ho

miTānā thā use bhī jazba-e-shauq-e-fanā tujh ko
nishān-e-qabr-e-majnūñ daaġh hai sahrā ke dāman meñ

garāñ thī dhuup aur shabnam bhī jin paudoñ ko gulshan meñ
tirī qudrat se vo phūle-phale sahrā ke dāman meñ

kashtiyāñ ret pe baiThī haiñ umīdeñ bāñdhe
aisā lagtā hai ye sahrā kabhī dariyā hogā

āshiyāñ banñe na paayā thā ki bijlī gir paḌī
baaġh abhī basne na paayā thā ki sahrā ho gayā

ye kaisī jagah hai ki dil kho rahā hai
bayābāñ hai sahrā hai gulshan hai kyā hai

yam-ba-yam phailā huā hai pyaas kā sahrā yahāñ
ik sarāb-e-tishnagī hai mauja-e-sahbā yahāñ

zindagī ret ke zarrāt kī gintī thī 'nadīm'
kyā sitam hai ki adam bhī vahī sahrā niklā

muddatoñ ba.ad jo royā huuñ to ye sochtā huuñ
aaj to sīna-e-sahrā se bhī dariyā niklā