Tags-Manzil

dard-e-jigar kī tum pe musībat paḌī nahīñ
tum to kahoge ishq kī manzil kaḌī nahīñ

ilm hāsil kar faqat tadbīr-e-manzil ke liye
vo dimāġhoñ ke liye haiñ aur tū dil ke liye!

qindīl-e-sahar nūr-e-manzil ḳhurshīd-e-sahar sham-e-sāhil
ye ḳhūn-e-shahīdāñ kā maḳhzan ye dard-e-rafīqāñ kā hāsil

manzil manzil chal kar jab bhī aa.ī lahū meñ Duubī raat
aahaT aahaT qatl huā hai qadmoñ meñ sar dekhā hai

ehsās kī vaadī meñ koī saut na sūrat
ye manzil-e-irfān tak aane kā sila hai

ai zauq-e-jushtujū tirī himmat pe āfrīñ
manzil ko har qadam pe gurezāñ banā diyā

aah vo manzil jo merī ġhaflatoñ se gum huī
haa.e vo rahbar jo mujh ko raah se bhaTkā ga.e

in āñkhoñ meñ aañsū the mirā haal jo dekhā
manzil ne qadam chuum liye aabla pā ke

istiġhāsa hai raah o manzil kā
rāhzan rahbarī ke mujrim haiñ

use kyā ḳhabar ki shikastagī hai junūñ kī manzil-e-āgahī
jo matā-e-shīsha-e-dil liye sar-e-kū-e-yār nahīñ gayā

tarīq-e-ishq meñ kyuuñ bār-e-ġham uThā.e na dil
isī pahāḌ ke nīche hai manzil-e-maqsūd

thak ke baiThā thā ki manzil nazar aa.ī mujh ko
hausla dene lagī ābla-pā.ī mujh ko

abhī vo manzil-e-fikr-o-nazar nahīñ aa.ī
hai aadmī abhī jurm o sazā ke raste meñ

as.hāb-e-ḳhās gird the anjum kī tarah sab
tābāñ thā biich meñ vo mah-e-hāshmī-laqab

shā.irī kī kisī manzil-e-dard meñ
ik darīcha hai paiġhambarī kī taraf

darpesh hai ham kuuñ safar-e-manzil-e-maqsūd
bas āh-e-sahar-gāh ye sāmān hamārā

pata andesha-e-sālik ne paayā manzil-e-dil kā
tū palTā lā-makāñ se āsmāñ-dar-āsmāñ ho kar

kisī ko ghar se nikalte hī mil ga.ī manzil
koī hamārī tarah umr bhar safar meñ rahā

ho teġh-e-asar zanjīr-e-qadam phir bhī haiñ naqīb-e-manzil ham
zaḳhmoñ se charāġh-e-rāhguzar baiThe haiñ jalā.e zindāñ meñ