Tags-Khwab

vus.ateñ maidān kī sūraj ke chhup jaane se tañg
sabza-e-afsurda par ḳhvāb-āfrīñ halkā sā rañg

parda-hā-e-ḳhvāb ho jaate haiñ jis se chaak chaak
muskurā kar apnī chādar ko haTā detī hai ḳhaak

ḳhvāb-e-āzādī insāñ kī ye ta.abīr nahīñ
ye vatan terī mirī nasl kī jāgīr nahīñ

duḳhtaran-e-maġhribī ko de na aurat kā ḳhitāb
ye mujassam ho ga.e haiñ kuchh gunahgāroñ ke ḳhvāb

kyā koī ḳhvāb abhī dekhā thā
aañkh maltī hai haqīqat kaisī

vo bāda-e-shabāna kī sarmastiyāñ kahāñ
uThiye bas ab ki lazzat-e-ḳhvāb-e-sahar ga.ī

jo tabassum chhīn lete haiñ shab-e-mahtāb se
jin kī barnā.ī jagātī hai diloñ ko ḳhvāb se

go ki baaqī nahīñ kaifiyyat-e-tūfān-e-shabāb
phañs ke janjāl meñ duniyā ke ye qissa huā ḳhvāb

farsh-e-gul vaalo zamīñ par log mahv-e-ḳhvāb haiñ
ḳhirmanoñ ke pāsbānoñ bijliyāñ betāb haiñ!!

us husn se kuchh hastī meñ tirī azdād hue the aa ke baham
ik ḳhvāb-o-haqīqat kā sañgam miTTī pe qadam nazroñ meñ iram

terī bedārī nahīñ hai ik musalsal ḳhvāb hai
kyā tū vāqif hai ki ismat gauhar-e-nāyāb hai

ye bazm-e-ḳhvāb-e-sarsayyad ye naqsh-e-azmat-e-rafta
mai-e-īsār se labrez hai ik jām-e-nūrānī

ḳhvāb vaise to ik ināyat hai
aañkh khul jaa.e to musībat hai

ab takalluf bartaraf ye aap ko ma.alūm hai
kyuuñ mirā ḳhvāb-e-vafā ta.abīr se mahrūm hai

ḳhvāb āḳhir ḳhvāb hai is ḳhvāb kā kyā e'tibār
jannat-e-nazzāra goyā jannat-e-mauhūm hai

ye shab-e-darāz bhī kaT ga.ī vo sitāre Duube vo pau phaTī
sar-e-rāh ġhaflat-e-ḳhvāb se ab uTho ki vaqt-e-sahar bhī hai

abas āsūdgān-e-ḳhāk ko bad-ḳhvāb karte ho
abhī se kyuuñ machā rakkhā hai hañgāma qayāmat kā

dil ke āñgan meñ ugegā ḳhvāb kā sabza zarūr
shart hai āñkhoñ meñ apnī kuchh namī baaqī rahe

kyuuñ shaam ko bāhoñ meñ ulajhne kī havas hai
kyuuñ sub.h kī palkoñ meñ koī ḳhvāb chhupā hai

apnī āñkhoñ meñ nayā ḳhvāb sajā luuñ koī
jab kisī ḳhvāb kī ta.abīr ko martā dekhūñ