Tags-Hawa

ik gul aisā nahīñ hove na ḳhizāñ jis kī bahār
kaun se vaqt huā thā ye gulistāñ paidā

magar ek dhun to lagī rahī na ye dil dukhā na gila huā
ki nigah ko rañg-e-bahār par koī iḳhtiyār kahāñ rahā

bichhaḌ ke mujh se ye mashġhala iḳhtiyār karnā
havā se Darnā bujhe charāġhoñ se pyaar karnā

huā safed tirī intizār meñ āḳhir
ajab tarah se phire dīda-e-pur-āb ke din

huā do-chand alam aah roz-e-yak-shamba
vo āftāb mirā aayā āftāb ke din

ik aisī fazā jis tak ġham kī na rasā.ī ho
duniyā kī havā jis meñ sadiyoñ se na aa.ī ho

safar meñ tark-e-masāfat pe dil huā maa.il
masāfatoñ meñ khule apne ghar ke kyā kyā rañg

jazb kar de merī miTTī meñ latāfat kā mizāj
phir vo tere shahr kī āb-o-havā ban jā.egā

havā thī ThanDī ThanDī chāñdnī thī aur dariyā thā
kahīñ nazdīk hī jañgal meñ koī giit gaatā thā

kitne maġhmūm ġhazāloñ kā bharam rakhtā hai
narm kapḌe se tarāshā huā kaalā burqa

mire ḳhayāl kī duniyā meñ is jahāñ se duur
ye baiThe baiThe huā gum ki phir patā na lagā

yahī sochtā huuñ shab-e-alam ki na aa.e vo to huā hai kyā
vahāñ jā sakī na mirī fuġhāñ ki fuġhāñ kī be-asarī rahī

phir yuuñ huā ki zabt kī sūrat nahīñ rahī
aur shahr-e-be-navā ke ġhazāl aa.ine hue

rāz-dāroñ kā kahā maan ke ye haal huā
mashvara koī mujhe ab mirā hamrāz na de

baiThā huā huuñ sub.h se larense-bāġh meñ
afkār kā hujūm hai mere dimāġh meñ

phailā huā hai sāmne sahrā-e-be-kanār
āñkhoñ meñ apnī le ke samundar khaḌā huuñ maiñ

sannāTā mere chāroñ taraf hai bichhā huā
bas dil kī dhaḌkanoñ ko pakaḌ kar khaḌā huuñ maiñ

soyā huā hai mujh meñ koī shaḳhs aaj raat
lagtā hai apne jism se bāhar khaḌā huuñ maiñ

huā thā qātil sar-e-ām jab mirā yaaro
ajiib rañg kuchh us vaqt āsmāñ kā thā

havā ke ek jhoñke se laraz jaate darīchoñ meñ
charāġhoñ kī tarah shab bhar jalā karte the ham donoñ