Tags-Hawa

vo jise mujh se duur honā thā
maiñ to 'arshad' usī se duur huā

ye ġharīb 'ājiz'-e-be-vatan ye ġhubār-e-ḳhātir-e-anjuman
ye ḳharāb jis ke liye huā usī bevafā ne bhulā diyā

zarā na mom huā pyaar kī harārat se
chaTaḳh ke TuuT gayā dil kā saḳht aisā thā

manzil milī na mahala-e-dil hī tai huā
dasht-e-junūñ ko jāniye dīvār-e-ishq meñ

ab tak tire ḳhayāl se namnāk hai ye aañkh
sarf is qadar huā huuñ gunahgār ishq meñ

maiñ kunj-e-āfiyat meñ rahā umr-bhar magar
ḳhud se huā huuñ bar-sar-e-paikār ishq meñ

hairāniyoñ ke zaḳhm kā marham kahāñ 'nadīm'
dil sehr-e-dard se huā bedār ishq meñ

ghuTan to dil kī rahī qasr-e-marmarīñ meñ bhī
na raushnī se huā kuchh na kuchh havā se huā

insān ne asrār-e-jahāñ faash kiye haiñ
soyā huā ḳhurshīd hai zarra nigarāñ hai

ġhazloñ kī kā.enāt kā badlā huā hai Dhañg
allāh jaane kis ghaḌī bedār ho malañg

dil huā jaan huī un kī bhalā kyā qīmat
aisī chīzoñ ke kahīñ daam diye jaate haiñ

phir baḌe zor se darvāza koī band huā
phir kahā dil ne abhī ā.eñge aane vaale

chāñd Thahrā sā havā band sī patte chup se
so rahe jā ke kahīñ pyaar jagāne vaale

urūs-e-fitrat kā ek khoyā huā tabassum hai jis ko 'aḳhtar'
kahīñ vo chāhe sharāb kar de kahīñ vo chāhe shabāb kar de

bezāri-e-kamāl se itnā huā ki ham
ārām se zavāl-e-tamannā tak aa ga.e

usī ne joḌ ke rakkhā huā thā rishte ko
hamāre biich meñ jo barhamī bachī huī thī

ḳhayāl hai koī uḌtā huā parind nahīñ
jahāñ bhī jā.egā be-bāl-o-par hī jā.egā

khilā huā hai nazar meñ gul-e-ḳhayāl koī
'ḳhalīl' aañkh jo jhapkī bikhar hī jā.egā

mere surḳh lahū se chamkī kitne hāthoñ meñ mehñdī
shahr meñ jis din qatl huā maiñ iid manā.ī logoñ ne

jab bhī kamre meñ kuchh havā aa.ī
maiñ ne jaanā vahī sadā aa.ī