Tags-Hawa

raah meñ saare charāġh usī ke dam se raushan haiñ
jo paimāñ havā se bāñdhā thā nādānī meñ

un ke aage phailā huā thā dast-e-tamannā ai 'asrār'
yā ki tah-e-ḳhanjar thī rag-e-jāñ maiñ bhī sochūñ tū bhī soch

ye sukūñ bhī huā malāl ke saath
vo bahar-taur jī rahā hai yahīñ

har na.ī shaam ye ehsās huā ho goyā
merā saaya mire paikar se baḌā ho goyā

chāñd niklā to mirī zaat ko andāza huā
us ne chupke se mirā naam liyā ho goyā

nazar ke hairat-kade meñ kab kā khaḌā huā huuñ
ik aa.ine meñ khilā huā hai gulāb aage

pūchhī na chashm-e-tar kī na āh-e-rasā kī baat
karte rahe vo mujh se bas āb-o-havā kī baat

azaab ham pe jo nāzil huā ḳhudā se na thā
ki tū razā se muqaddar huā qazā se na thā

ye hāl-e-zār to āshob-e-āgahī se huā
ki gul-darīda-jigar mauja-e-sabā se na thā

khañDar to shahr-e-dil andar ke zalzaloñ se huā
ye zulm terī jafā yā tirī vafā se na thā

bikhre ga.e gul-e-nāzuk havā ke jhoñke se
gilā jo thā to nazākat se thā havā se na thā

kis ḳharābī meñ huā paidā jamāl-e-zindagī
asl kis naql-e-makāñ meñ rā.egāñ hotī ga.ī

ik sadā uTThī to ik aalam huā paidā 'munīr'
ik kalī mahkī to puurā gulsitāñ hotī ga.ī

bikhrā huā milā hai har ik fard bhī vahāñ
ābād the magar vo qabīle nahīñ mile

kyuuñ bahār aate hī pahlū meñ bujhā aap hī aap
yā-ilāhī mire dil ko huā kyā aap hī aap

ḳhat meñ likkhā huā aa.egā judā.ī kā payām
ḳhvāb meñ ḳhat ke hue harf judā aap hī aap

ishq-e-sādiq kā kahīñ zikr huā thā shāyad
us ne mahfil meñ mirā naam liyā aap hī aap

sham-e-mahfil tumheñ kahtā thā zamāna dekhā
huā parvāna uḌ ke fidā aap hī aap

jazb-e-dil kā ye asar bazm-e-adū meñ bhī huā
kasmasāte hue kuchh us ne kahā aap hī aap

shoḳhī-e-husn jigar-soz kā iimā ye na thā
bigḌī hai sham.a kī mahfil meñ havā aap hī aap