Tags-Hawa

tum ne dushman se kahīñ aañkh laḌā.ī hogī
kyuuñ huā tīr-e-nazar aaj ḳhatā aap hī aap

lahūñ meñ tairtī hai koī shai tirī umiid sī
ugā huā shafaq meñ āftāb dekhtā huuñ maiñ

mirī nazar ke sāmne hai aa.ina rakkhā huā
tirī nazar kā husn-e-intiḳhāb dekhtā huuñ maiñ

ye koī nazr to nahīñ nigāh dil navāz kī
khilā huā jo dil meñ ik gulāb dekhtā huuñ maiñ

ye kis maqām pe Thahrā hai kārvān-e-vafā
na raushnī kī kiran hai kahīñ na taaza havā

rindoñ ke dam se shaiḳh huā chāñd iid kā
aatā hai va.az karne ko kam kam bahut hī kam

ḳhayāl-e-tark-e-ta.alluq ko Tālte rahiye
havā meñ koī hayūlā uchhālte rahiye

ghar jal rahā thā sab ke laboñ par dhuāñ sā thā
kis kis pe kyā huā thā ġhazab bolne na paa.e

vo huā hai pairahan kā yuuñ asiir
khul ke ab hañsnā bhī mushkil ho gayā

us ko bāhar kī ḳhabar kyā biich meñ
khīñch kar baiThā huā hai dā.era

ufuq-e-rūs se phūTī hai na.ī sub.h kī zau
shab kā tārīk jigar chaak huā jaatā hai

tīrgī jitnā sambhalne ke liye ruktī hai
surḳh sail aur bhī bebāk huā jaatā hai

mujh ko huā ye ḳhāk-nashīnī se fā.eda
thā dil ke aa.ine pe jo kuchh rañg uḌ gayā

tumhārī yādoñ ke qāfile kā
thakā huā ajnabī musāfir

sard āj-kal is darja zamāne kī havā hai
anjām ke ehsās se dil kaañp rahā hai

ye zarā zarā sī shikāyateñ kahīñ ban na jaa.eñ hikāyateñ
yahī pūchhte ki huā hai kyā kabhī ham se tum kabhī tum se ham

ik saañs hī bas liyā hai maiñ ne
tū saañs na thā so kyā huā tū

tamannā dil meñ ghar kartī bahut hai
havā is dasht meñ chaltī bahut hai

tirā 'firāq' to us din tirā firāq huā
jab un se pyaar kiyā maiñ ne jin se pyaar nahīñ

fursat-e-shauq ġhanīmat hai uThā bhī sāġhar
zindagī ek chhalaktā huā paimāna sahī