Tags-Hawa

jab daraḳhtoñ se jhaḌ ga.e patte
bojh laade hue havā aa.ī

dil jo is bazm meñ aatā hai to jaatā hī nahīñ
ek din dekhnā dīvāna huā rakkhā hai

hijr kī shab ko yaañ ta.iiñ taḌpā
ki huā sub.h hote merā visāl

vabasta-e-nafas hai nazm-o-nizām-e-hastī
ya.anī havā pe qaa.em buniyād=-e-zindagī hai

Duubā huā huuñ qulzum-e-ālām meñ magar
zer-e-qadam hayāt kī parchhā.iyāñ bhī haiñ

fānūs ban ke jis kī hifāzat havā kare
vo sham.a kyā bujhe jise raushan ḳhudā kare

uljhā huā thā ishq meñ pahle hī nā-murād
nāgāh ruḳh pe zulf pareshān ho ga.ī

dil to āġhāz-e-mohabbat meñ huā hai terā
apnī gardan pe hai jo baar ye sar kis kā hai

gulshan meñ jo chalī hai havā kitnī tez hai
bikhrī paḌī hai shāḳh se kaT kar kalī kalī

vo ālamgīr jalva aur husn-e-mustarak terā
ḳhudā jaane in āñkhoñ ko huā kis kis pe shak terā

agar āñkheñ salāmat haiñ to kyā kyā kuchh dikhā.egā
yahī phailā huā jalva samā se tā-samak terā

na itnī tez chale sar-phirī havā se kaho
shajar pe ek hī pattā dikhā.ī detā hai

makāñ meñ kyā koī vahshī havā dar aa.ī thī
tamām pairahan-e-ḳhvāb paara paara thā

shab-e-siyāh safar ye bhī rā.egāñ to nahīñ
vo kyā huā jo mire saath ik sitāra thā

vo ek shaḳhs jo ojhal huā hai āñkhoñ se
har ek chehre pe ab ḳhadd-o-ḳhāl us ke haiñ

gire jo kuchh surḳh gul zamīñ par kahā ye bulbul ne ḳhaak uḌā kar
huā hai va.ada mirā barābar ye sūrateñ haiñ mire jigar kī

huā huuñ chaurañg teġh-e-hasrat ki dafn kī hai mirī ye sūrat
kisī taraf ko hai dil kī turbat kahīñ hai turbat mire jigar kī

diloñ meñ taaza havā kī chalat-phirat rahtī
ta.assubāt meñ rahdāriyāñ banāte ham

nahīñ hai mere muqaddar meñ raushnī na sahī
ye khiḌkī kholo zarā sub.h kī havā hī lage

'ātish' ġhulām-e-sāqi-e-kausar huuñ chāhiye
firdaus kā khulā huā darvāza pā.ūñ maiñ