Tags-Hawa

kahāñ bujhī hai tah-e-ḳhāk merī ātish-e-dil
kaho havā se hilā dāman-e-sahāb to de

chhupā bhī letī mire bhed ko agar bil-farz
havā kā kyā hai koī aur gul khilā detī

kuchh mizāj apnā hī begāna huā jaatā hai
varna us shaḳhs kī to narm-ravī kī ḳhū hai

ġham rag-o-pai meñ utartā hai lahū kī sūrat
dard palkoñ pe laraztā huā ik aañsū hai

ai 'vafā' mausam-e-vahshat bhī hai kyā mausam-e-gul
kyuuñ bachāte haiñ gulistāñ kī havā se mujh ko

ishq-e-fuzūñ meñ mere na ho dosto kamī
ma.ashūq umr meñ hai bahut kam to kyā huā

giilī havā ke lams meñ kuchh thā vagarna kab
kaliyoñ kī baas galiyoñ ke andar ravāñ huī

aanā hai gar to aao ki chalne lagī havā
kashtī samundaroñ meñ khulā bādbāñ huī

saarī be-ma.anaviyyat sā.at-e-āġhāz meñ thī
jab havā garm huī

rasm phir rasm hai Thahrā hai lahū hī jo suhāg
chamak ai teġh-e-havā le ye rahā sar apnā

sab havā bhuul ga.ī sarkashī-o-sha-zorī
ik zarā dosh-e-havā par jo uḌā sar apnā

dil huā zer-o-zabar aah bhī ham kar na sake
rah ga.e dekh ke naqsha tirī añgḌā.ī kā

chhoḌ kar ghar ko kahīñ jaane se ghar meñ rahne kī ibādat thī baḌī
jhuuT mash.hūr huā raajā kā sach kī sansār meñ shohrat na huī

bas ye huā ki us ne takalluf se baat kī
aur ham ne rote rote dupaTTe bhigo liye

charāġh-e-uryāñ tan ko bhī bil-āḳhir
havā kā pairahan yaad aa gayā hai

hai tirī miTTī ke har zarre pe ehsāñ jis kā
'ishrat' us zaat meñ har naqsh huā gum terā

paimāna tire lab haiñ āñkheñ tirī mai-ḳhāna
jis ne bhī tujhe dekhā terā huā dīvāna

agarche faisla har baar apne haq meñ huā
sazā-e-jurm bahar-hāl barqarār rahī

ye aur baat ki dil ġham meñ ḳhud kafīl huā
magar vo aañkh mire ġham meñ ashk-bār rahī