Tags-Hawa

rafāqatoñ ke ye fānūs tā-ba-kai 'ejāz'
havā kī zad pe laraztā huā diyā huuñ maiñ

ḳhvāhishoñ ko bahut havā denā
vasf ye ham ne yaar meñ dekhā

shaam se kuchh bujhā sā rahtā huuñ
dil huā hai charāġh muflis kā

daaġh āñkhoñ se khil rahe haiñ sab
haath dasta huā hai nargis kā

bahr kam-zarf hai basān-e-habāb
kāsa-lais ab huā hai tū jis kā

sannāToñ kī tah meñ ġhāsibāna raftār se baḌhtā huā
kisī masrūqa raaz kā dabīz ḳhalā

hai havā darkār merī aag ko
kab kahā us ne ki paanī do mujhe

agar kahīñ likhā huā ho
dariyā

dīvār meñ rauzan to huā karte haiñ lekin
dil meñ nahīñ hotā koī is daur meñ rauzan

shāyad ki dām-e-ishq meñ taaza huā hai band
va.ade pe gul-ruḳhāñ ke jise e'timād hai

yuuñ huā phir maiñ ne us se kam ta.alluq kar liyā
us kī koī baat ik mushkil se sah jaane ke baad

vo taqāzā-e-junūñ ab ke bahāroñ meñ na thā
ek dāman bhī to uljhā huā ḳhāroñ meñ na thā

chashm-e-tar par gar nahīñ kartā havā par rahm kar
de le saaqī ham ko mai ye abr-e-bārāñ phir kahāñ

havā shāḳhoñ meñ chhup kar ro rahī hai
na jaane kaisā mausam aa rahā hai

sābit huā hai gardan-e-mīnā pe ḳhūn-e-ḳhalq
larze hai mauj-e-mai tirī raftār dekh kar

in ābloñ se paañv ke ghabrā gayā thā maiñ
jī ḳhush huā hai raah ko pur-ḳhār dekh kar

apnī bātoñ ke zamāne to havā-burd hue
ab kiyā karte haiñ ham sūrat-e-hālāt pe baat

hai safīne kā mere muhāfiz ḳhudā nā-ḳhudā bhī madad-gār hai ab mirā
ye bhī maanā ki hai ab muāfiq havā dil hī jab Duub jaa.e to maiñ kyā karūñ

havā meñ jab uḌā parda to ik bijlī sī kaundī thī
ḳhudā jaane tumhārā partav-e-ruḳhsār thā kyā thā

sach batāo kabhī huā aisā
sach batāo kabhī shikāyat kī