Tags-Hawa

kabhī kabhī vo hameñ be-sabab bhī miltā hai
asar huā nahīñ us par abhī zamāne kā

jab hamārī zindagī kā ḳhatm afsāna huā
us ghaḌī sad-haif un kā ḳhair se aanā huā

aap to hañste rahe ham ro ke rusvā ho ga.e
sham.a to chaltī rahī pāmāl parvāna huā

merī barbādī ke charche sun ke kis kis naaz se
pūchhte haiñ muskurā kar kaun dīvāna huā

dahr meñ ab muskurāne kī hameñ fursat nahīñ
dil hujūm-e-ġham banā ġham āh-e-afsāna huā

tū na hotā to zamīn-o-āsmāñ kuchh bhī na thā
tere qadmoñ kī badaulat merā kāshāna huā

ai karam-farmā tujhe ho ilm us kā yā na ho
kaun tujh meñ kho ke aur phir ḳhud se begāna huā

ham hī ik tanhā nahīñ 'tasnīm' mastāne hue
un kī nazreñ kyā uThīñ har riñd mastāna huā

zindagī aag hai aur aag kī ḳhātir ham ne
diip kī aañkh meñ jaltā huā chehra dekhā

maiñ ne lamhoñ meñ guzārī haiñ hazāroñ sadiyāñ
vaqt kī dhuup meñ pighlā huā dariyā dekhā

dāġh-e-dāman ko uThā.e hue phirtī hai havā
dhuul hī dhuul huā saarā vo rasta dekhā

gul kī āñkhoñ meñ machaltī huī yādeñ us kī
rang-o-āhang se badaltā huā shīsha dekhā

zamāne ke darbār meñ dast-basta huā hai
ye dil us pe maa.il magar rafta rafta huā hai

maiñ jaag jaag ke shab bhar use talāshtā huuñ
likhā huā hai mirā naam ik sitāre meñ

huā jo sāmnā sūraj kā mere zaḳhmoñ se
falak pe chhoḌ ke apnā libās Duub gayā

kisī zindāñ kī taraf aaj havā ke jhoñke
pā-ba-zanjīr liye jaate haiñ saudā.ī ko

vo dahaktā huā paikar vo achhūtī rañgat
chuum le jaise koī lāla-e-sahrā.ī ko

lag ga.ī dāman-e-gesū-e-pareshāñ kī havā
hosh meñ aa.e nasīm-e-saharī mushkil hai

ga.ī yak-ba-yak jo havā palaT nahīñ dil ko mere qarār hai
karūñ us sitam ko maiñ kyā bayāñ mirā ġham se siina figār hai

jhukā huā hai jo sar aaj tere qadmoñ par
agar na vaqt bigaḌtā to āstāñ hotā