Tags-Hawa

kyā huā jo ok bhar lī jhiil se
kyā huā jo ek pattā jhaḌ gayā

sadiyoñ kī tārīḳh yahāñ qirtās-e-havā par likkhī hai
qarnoñ ke afsāne ham se koh-o-bayābāñ kahte haiñ

ye merā ḳhāk-dāñ rakkhā huā hai
isī meñ āsmāñ rakkhā huā hai

ham se agar hai tark-e-ta.alluq to kyā huā
yaaro koī to un kī ḳhabar pūchhte chalo

ye bhī ab tak nahīñ huā ma.alūm
maiñ sajan kā huuñ yā sajan merā

aayā payām-e-vasl yakāyak jo yaar kā
ma.alūm ye huā ki ga.e din zavāl ke

musāfiroñ ko barābar nahīñ zamān-o-makāñ
havā kā ek qadam aur habāb kī manzil

aa.e bādal chalī havā
jaage phuul sajīñ beleñ

jaane kis ḳhvāb-e-pareshāñ kā hai chakkar saarā
bikhrā bikhrā huā rahtā hai mirā ghar saarā

mausam-e-abr kī to baat yūñhī aa.ī thī
kyuuñ sharābor huā aap kā paikar saarā

kyā huā gar koī hindū ki musalmāñ Thahrā
ādamiyat kā nahīñ paas jo insāñ ho kar

kyā gulistāñ meñ nayā hukm-e-zabāñ-bandī hai
bāġhbāñ bhī huā sayyād-e-nigahbāñ ho kar

zamzama-pairā koī to hai yahāñ
sehn-e-gulshan meñ havā maujūd hai

phir tah-e-ḳhāk mirā dāġh-e-jigar taaza huā
kis ne turbat pe mirī lāla-e-hamrā bhejā

fasl-e-gul aa.ī uThā abr chalī sard havā
sū-e-mai-ḳhāna akaḌte hue mai-ḳhvār chale

roktā huuñ to ye ruktā hī nahīñ hai 'ejāz'
mujhe har roz-o-shab-e-vaqt havā lagtā hai

havā meñ daraḳhtoñ kā vo jhūmnā
vo pattoñ kā phūloñ kā muñh chūmnā

jo tū ne khole havā meñ gesū mahak uThā hai tamām gulshan
hasīn sumbul ke darmiyāñ hai damaktā chehra tirā qayāmat

suraḳh-rū ḳhūn-e-jigar se hī huā karte haiñ log
kyā hai 'bilqīs' agar jaañ kā zarar hone ko hai

havā uThā na sakī bojh abr kā 'shahzād'
zamīñ ke ashk bhī āḳhir samundaroñ ne piye