Tags-Hawa

haañ haañ tujhe kyā kaam mirī shiddat-e-ġham se
haañ haañ nahīñ mujh ko tire dāman kī havā yaad

rut vo jo thī badal ga.ī aa.ī bas aur nikal ga.ī
thī jo havā meñ nik.hat-e-mushk-e-tatār ho chukī

vo maah jalva dikhā kar hameñ huā rū-posh
ye aarzū hai ki nikle kahīñ dobārā chāñd

na.ī sadī ke safar meñ bhī ham akele haiñ
havā ke dosh pe ḳhushbū kā kārvāñ bhī nahīñ

havā shāḳhoñ meñ rukne aur ulajhne ko hai is lamhe
guzarte bādaloñ meñ chāñd haa.il hone vaalā hai

ik havā āḳhir uḌā hī le ga.ī gard-e-vajūd
sochiye kyā ḳhaak the us kī nigahbānī meñ ham

dil kā saarā dard bharā tasvīroñ meñ
ek musavvir naqsh huā tasvīroñ meñ

har chehre ke pīchhe sau chehre ubhre
sab kā pardā faash huā tasvīroñ meñ

maiñ jahāñ paidā huā
parvarish paayā baḌhā

saañs lene bhī na paayā thā ki manzar gum huā
maiñ kisī qābil na thā varna Thahartā aur kuchh

be-piye shaiḳh farishta thā magar
pī ke insān huā jaatā hai

taaza havā meñ us ke nafas kī ḳhushbū thī
qatra qatra Duub gayā maiñ paanī meñ

kaisā thā vo paikar-e-ḳhūbī kyā kahiye
ā.īna do laḳht huā hairānī meñ

dil pe achānak sabt huā tā-umr rahā
aisā bhī ik aks milā thā paanī meñ

guzishta shab havā se guftugū kī
charāġhoñ ne qasam khaa.ī hamārī

kyā saath tirā duuñ ki maiñ ik mauj-e-havā huuñ
bas ek nafas arz-e-tamannā ko rukā huuñ

nazar meñ manzar-e-rafta samā bhī saktā hai
koī bhulāyā huā yaad aa bhī saktā hai

havā meñ āj-kal ik dhīmī dhīmī vahshat hai
isī zamāne se shāyad hai ibtidā-e-bahār

fareb thā aql-o-āgahī kā ki merī fikr-o-nazar kā dhokā
jo āḳhir-e-shab kī chāñdnī par huā thā mujh ko sahar kā dhokā

tanhā.iyoñ kī god meñ pal kar baḌā huā
bachpan se apne aap sambhal kar baḌā huā