Tags-Hawa

haiñ āñkheñ aa.ina dil kā yaqīnan
huā dūbhar khule ghar kā tahaffuz

havā ne kaun se ḳhvāboñ se dil lagāyā thā
hamārī tarah jo āvāra-gard ab tak hai

saath milāte haiñ āvāz parinde bhī
havā mujhe jab giit sunāne lagtī hai

bastiyoñ meñ ik sadā-e-be-sadā rah jā.egī
baam o dar pe naqsh tahrīr-e-havā rah jā.egī

kashtī ko ḳhudā par chhoḌ bhī de kashtī kā ḳhudā ḳhud hāfiz hai
mushkil to nahīñ in maujoñ meñ bahtā huā sāhil aa jaa.e

mirī to dastaras meñ ḳhvāb tak rahe na the mire
ye kyā huā zamāna mere saath kaise ho gayā

paḌī huī khajūr se nabīz kaise ban ga.ī
rukā huā ḳhayāl harf-e-na.at kaise ho gayā

bujhe hoī charāġh meñ banī hai kaise raushnī
vo munjamid banā havā ke saath kaise ho gayā

samundar meñ utar ke ruḳh havā kā moḌ dete haiñ
kabhī sāhil se tūfāñ kā nazāra ham nahīñ karte

kab is zamīñ pe mujhe ārmīda honā thā
havā se ḳhaak ko barsoñ parīda honā thā

kabhī na ḳhidmat-e-dāman se sarfarāz huā
vo haath huuñ ki jise nā-rasīda honā thā

dil dekh use jis ghaḌī be-tāb huā
aur chāh-e-zaqan se misl-e-girdāb huā

mirī uThān kī har iiñT maiñ ne rakkhī hai
maiñ ḳhud banā huuñ! banāyā huā nahīñ huuñ maiñ

maiñ ik gumān kā imkāñ huuñ 'iftiḳhār'-muġhal
ki ho to saktā huuñ lekin huā nahīñ huuñ maiñ

girne se bhī dil par kabhī choT aa.ī kisī ko
ma.alūm ye hotā hai huā aur hī kuchh hai

kun-fayakūñ kā hāsil ya.anī miTTī aag havā aur paanī
pal meñ baqā kā pal meñ faanī miTTī aag havā aur paanī

nagrī nagrī phirtī haiñ ye dīvāreñ bhī saath hī mere
karte haiñ merī nigrānī miTTī aag havā aur paanī

ḳhāk-basar huuñ shola-ba-jāñ huuñ āh-kunāñ huuñ ashk-fishāñ huuñ
dekh tū apnī kāristānī miTTī aag havā aur paanī

merā kyā hai mar jā.ūñgā chāroñ or bikhar jā.ūñgā
aap kahāñ jā.eñge jaanī miTTī aag havā aur paanī

maiñ kabhī sho.ala huuñ kabhī shabnam gaahe zaḳhm to gaahe marham
karte haiñ mujh meñ khīñchā-tānī miTTī aag havā aur paanī