Tags-Hawa

vahdat-e-dard ho qariyoñ meñ havā kī mānind
ek ho jaa.eñ agar apne parā.e to bane

jaañ nazr kī to donoñ jahāñ mil ga.e hameñ
tai marg o zindagī kā har ik marhala huā

vo sirf haq jo mire lab se āshkār huā
sukūt-e-dair meñ ik umr gūñjtā rahā hai

pur-kaif havā meñ jo kisī peḌ ke nīche
āñchal mirā lahrā.e to lagtā hai ki tum ho

ai shahr-e-ḳhirad kī taaza havā vahshat kā koī in.aam chale
kuchh harf-e-malāmat aur chaleñ kuchh vird-e-zabāñ dushnām chale

aaise ġham-e-tūfāñ meñ akasr ik zid ko ik zid kaaT ga.ī
shāyad ki nahañg-āsār havā kuchh ab ke harīf-e-dām chale

ai vādi-e-ġham ye mauj-e-havā ik sāz-e-rāh-e-sapārāñ hai
ruktī huī rau ḳhvāboñ kī koī yā sub.h chale yā shaam chale

ye bhī achchhā huā tum is āshob se apne sarsabz baazū bachā le ga.e
yuuñ bhī kū-e-ziyāñ meñ lagānā hī thā ham ko apne lahū kā shajar yā aḳhī

zard pattoñ ke ThanDe badan apne hāthoñ pe le kar havā ne shajar se kahā
agle mausam meñ tujh par na.e barg-o-bār ā.eñge tab talak sabr kar yā aḳhī

paayā na dil bahāyā huā sail-e-ashk kā
maiñ panja-e-mizha se samundar bilo chukā

qaul to ek bhī puurā na huā ab dekhūñ
kyā dalīl us kī mirā sho.ala-bayāñ detā hai

laakh ajzā meñ ho gayā taqsīm
kyā ajab mujtam.a huā 'farhat'

maiñ kahīñ aur kā TuuTā huā taarā huuñ koī
tū mujhe apne sitāroñ se ulajhtā na samajh

saare hī is chaman se havā-ḳhvāh uTh ga.e
ro.uuñ guloñ ko yā maiñ ġham-e-rañg-o-bū karūñ

vo koī husn hai jis husn kā charchā na huā
us kā kyā ishq hai jo ishq meñ rusvā na huā

terā aanā jo mire paas masīhā na huā
thā jo bīmār kisī se magar achchhā na huā

yuuñ to mushtāq rahe kitnā hī us kūche ke
par guzar mere sivā aur kisī kā na huā

shāyad aa jaa.e kabhī dekhne vo rashk-e-masīh
maiñ kisī aur se is vāste achchhā na huā

sher kahte hue ik umr hui 'tābāñ' ko
haa.e afsos ki is kaam maiñ puḳhta na huā

tere shahr se ho kar aa.ī tez havā
phir dil kī buniyād hilā kar baiTh ga.ī