Tags-Hawa

jo be-uḌān haiñ 'ālam' vo kis shumār meñ haiñ
havā bhī uḌte parinde ke par TaToltī hai

kuuch hī kuuch hai har rañg meñ duniyā kī hayāt
ik safar ḳhatm huā ek safar baaqī hai

yād-gār-e-harm-o-dair hai TuuTā huā dil
shahr vīrān huā ek ye ghar baaqī hai

sub.h bhajan kī taan manohar jhanan jhanan lahrā.e
ek chitā kī raakh havā ke jhoñkoñ meñ kho jaa.e

phūloñ ko tabassum kī adā tujh se milī hai
gulshan ko junūñ-ḳhez havā tujh se milī hai

kyā us kā sabab maiñ arz karūñ kuchh vāqiye aise pesh aa.e
maiñ rotā huā aayā thā yahāñ chup yaañ se gayā mar.ūb gayā

ḳhūgar-e-ranj-o-balā hashr ke din kyā ḳhush hoñ
ki vo maal aaj huā hai shab-e-tanhā.ī kā

yuuñ na maqbūl huā hogā kisī kā sajda
but ko armān rahā merī jabīñ-sā.ī kā

mire paas baiThā huā jism mujh se ye kyuuñ pūchhtā hai
kisī gul kī māhiyat-e-rañg kyā hai?

koī apnā na huā silsila-jumbān-e-junūñ
ek fil-jumla usī zulf-e-dotā ne chāhā

vo kārvān-e-shab kā huā āḳhirī charāġh
lo shaiḳh ko ye mansab-e-mumtāz to milā

haath mire patvār bane haiñ aur lahreñ kashtī merī
zor havā kā qaa.em hai dariyā kī ravānī baaqī hai

kaise kahūñ ki ġham huā ḳhvāboñ kī bhiiḌ meñ
zaḳhmoñ kā indimāl to karne lagā hai vo

patthar patthar jot jalegī sāhil sāhil sho.ale hoñge
bhīgī bhīgī sard havā meñ sharmā.egā ThanDā haath

bulbul huā hai dekh sadā rañg kī bahār
is saal 'ābrū' kuuñ ban aa.ī basant rut

chale the haram ko rah meñ hue ik sanam ke āshiq
na huā savāb hāsil ye milā azaab ulTā

ġhazal aur qāfiyoñ meñ na kahī so kyūñki 'inshā'
ki havā ne ḳhud-baḳhud aa varaq-e-kitāb ulTā

mar ke nikle qafas se ḳhuub huā
tañg aa.e the is makāñ meñ ham

vo nuur nuur damaktā huā sā ik chehrā
vo ā.īnoñ meñ hayā hī hayā hamāre liye

ajiib kaifiyat-e-jazb-o-hāl rakhtī hai
tumhāre shahr kī āb-o-havā hamāre liye