Tags-Hawa

maiñ aayā huuñ muddat meñ koī us se kah do
tumhārā gunahgār paidā huā hai

ye dil mujh se laḌtā hai terī taraf se
kahāñ kā taraf-dār paidā huā hai

miyāñ 'mus.hafī' bechte ho jo dil ko
to laao ḳharīdār paidā huā hai

silsile us kī nigāhoñ ke bahut duur ga.e
kār-e-dil ḳhatm huā kār-e-jahāñ baaqī hai

duur se bhī na huā yaar kā dīdār nasīb
ḳhair bāteñ na huī thiiñ to ishāre hote

ġham-e-hijrāñ kī maarī DhūñDhtī hai
havā ḳhushbū tumhārī DhūñDhtī hai

āḳhir ye honā thā āḳhir yahī huā
duniyā mujh ko aur maiñ duniyā bhuul gayā

vafā kā khoTā sikka kab tak chaltā 'tūr'
achchhā huā jo apnā parāyā bhuul gayā

duur ho kaise tire jism tirī jaañ kī ghuTan
tañg be-rauzan-o-dar ghar meñ havā kyā aa.e

ab dahr rū-shanā-o-vafā-o-jafā huā
mere gale par aap kī talvār dekh kar

bhīgī āñkheñ ye batātī haiñ ki sun kar mirā haal
kuchh na kuchh tujh ko bhī ehsās huā hai to sahī

ruḳhsat huā to aañkh milā kar nahīñ gayā
vo kyuuñ gayā hai ye bhī batā kar nahīñ gayā

javānī kyā huī ik raat kī kahānī huī
badan purānā huā ruuh bhī purānī huī

zamāna huā
sar-zamīn-e-tamannā pe fasl-e-gul aane ko thī

guloñ ne band-e-qabā hai kholā, havā se bū-e-junūñ bhī aa.e
kareñge is mausam-e-vafā meñ ham apnī takmīl chal ke dekheñ

ġhanīm-e-shab ke ḳhilāf ab ke ziyāñ huī ġhaib kī gavāhī
paḌā huā ḳhaak par shikasta par-e-abābīl chal ke dekheñ

fazā meñ uḌtā huā kahīñ se ajab nahīñ aks-e-barg aa.e
ḳhizāñ ke be-rañg āsmāñ se aTī huī jhiil chal ke dekheñ

luḌhak gayā shab kā koh-paimā zamīñ kī hamvāriyoñ kī jānib
kahīñ havā gul na kar chukī ho anā kī qindīl chal ke dekheñ

kahīñ duur tak koī jugnū nahīñ hai sitāre bujhe haiñ
chamaktā huā chāñd bhī Dhal rahā hai diyā jal rahā hai

jis dil ko tum ne lutf se apnā banā liyā
us dil meñ ik chhupā huā nashtar zarūr thā