Tags-Hawa

ye lamha jo guzrā mire ḳhuun kī us meñ surḳhī milī hai?
mire āñsuoñ kā namak is kī lazzat meñ shāmil huā hai?

maiñ bikhrā huā aadmī huuñ
mirī zehnī bīmāriyoñ kā sabab ye zamīñ hai

ḳhudā ek hai yuuñ to vāvian meñ saaf likkhā huā hai
magar zer-e-vāvain bhī chhoTī chhoTī bahut taḳhtiyāñ haiñ

le chalī maut ba-sad-shauq hameñ saath apne
na huā jab koī sāmāñ tire ghar jaane kā

jab huā irfāñ to ġham ārām-e-jāñ bantā gayā
soz-e-jānāñ dil meñ soz-e-dīgarāñ bantā gayā

har ek rut kī duā bhī havā bhī aa.ī thī
ye bāñjh peḌ ki in par samar nahīñ likkhā

pahle ke jaam meñ na huā kuchh nasha to aah
dilbar ne dī tab us se kaḌī tab ḳhabar paḌī

adā huā na qarz aur vajūd ḳhatm ho gayā
maiñ zindagī kā dete dete suud ḳhatm ho gayā

na jaane kaun sī āñkhoñ se dekhte ho mujhe
tumhārī tarah se TuuTā huā to maiñ bhī huuñ

tumheñ manāne kā mujh ko ḳhayāl kyā aa.e
ki apne aap se rūThā huā to maiñ bhī huuñ

ġhair kaTne lageñ bañdh jaa.e havā
mujh se tukkal agar uḌvā.iye aap

dar-o-dīvār bhī dete haiñ havāla merā
kaise mumkin huā is shahr meñ charchā merā

ye kaisī huā chal rahī hai chaman meñ
ki shāḳhoñ se patte judā ho ga.e haiñ

ham aur tum jaañ ab is qadar to mohabbatoñ meñ haiñ ek tan man
lagāyā tum ne jabīñ pe sandal huā hamārā dimāġh ThanDā

vahī hai kāmil 'nazīr' is jā vahī hai raushan-dil ai azīzo
havā se duniyā kī jis ke dil kā na hove hargiz charāġh ThanDā

vahī manzar laraztā hai nigāhoñ meñ abhī tak
darīche haath phailā.e havā rūThī huī sī

ho gayā terī havā-ḳhvāhī meñ 'hasrat' tū ba-bād
baiThā kyā hai ḳhaak meñ ham ko milā kar ham se mil

ek surāḳh sā kashtī meñ huā chāhtā hai
sab asāsa mirā paanī meñ bahā chāhtā hai

fasl-e-bahārāñ aa jaane se kam na huā ġham ahl-e-chaman kā
shabnam ke aañsū bahte haiñ gul kā pairāhan jaltā hai

huā jo ik dil kā daaġh raushan to ho ga.e kul charāġh raushan
ḳhayāl raushan dimāġh raushan bas ab añdherā kahīñ nahīñ hai