Tags-Hawa

hijr lāhiq huā visāl ke ba.ad
kyā hī ulTā mirā muqaddar thā

ye havā kaise uḌā le ga.ī āñchal merā
yuuñ satāne kī to aadat mire ghanshyām kī thī

charāġh jalte raheñge havā baġhaur ye sun
hunar pe tujh ko abhī dastgāh thoḌī hai

kaun tāqoñ pe rahā kaun sar-e-rāhguzar
shahr ke saare charāġhoñ ko havā jāntī hai

dard-e-sar dushmanoñ ke un ke huā raat so maiñ
juuñ hī ghabrā ke ye pūchhā to kahā tum ko kyā

maiñ kab tanhā huā thā yaad hogā
tumhārā faisla thā yaad hogā

vo ḳhat pāgal havā ke āñchaloñ par
kise tum ne likhā thā yaad hogā

shahr meñ jab koī hañgāma huā
log kuchh bhes badal kar aa.e

bāġhmatī ke paas hī koī eraut gaañv hai
janm mirā vahīñ huā vo hī to ek Thāñv hai

bast meñ jab qabz kā daura huā
hai qayāmat naza.a kī sakrāt hai

anjām huā apnā āġhāz-e-mohabbat meñ
is shaġhl ko jāñ-farsā aisā to na thā jaanā

havā de aañch dhīmī rakh sulagne de junūñ ko
ye sho.ala narm rakhnā hai jalānā bhī nahīñ hai

bāñkpan apnī tabī.at kā kabhī kam na huā
sāmne apne koī laakh tarah-dār aa.e

jo visāl-o-hijr se duur hai jo karam sitam se hai be-ḳhabar
kuchh uThā huā hai vo dard bhī kuchh uThī huī vo nazar bhī hai

kaam kyā degā vo TuuTā huā ā.īna bhī
yaad rakhne ko vahī aks vo chehrā hī na ho

diloñ kī aañch se thā barf kī siloñ pe kabhī
siyāh sāñsoñ meñ luthḌā huā pasīna bhī

yuuñ bhī huā ik arse tak ik sher na mujh se tamām huā
aur kabhī ik raat meñ ik dīvān mujhe ilhām huā

apnī tanhā.ī kā shikva tujh ko giroh-e-ġhair se kyuuñ
ye to havas kā daur hai pyāre jis ko jis se kaam huā

maiñ apne ḳhāliq se ḳhush huuñ misl-e-alī is qismat par
daulat ahl-e-jehl ne paa.ī ilm mujhe in.aam huā

kaisī qanā.at kaisī ibādat hirs-o-havas ke aalam meñ
dil jo pahle ghar thā ḳhudā kā ab shahr-e-asnām huā