Tags-Hawa

jo patthar ko mom banā de dil meñ ab vo aañch kahāñ
jis sho.ale par naaz bahut thā vo sho.ala bhī ḳhaam huā

jin ko hai islām kā da.avā 'sahbā' un kā haal bhī dekh
maiñ to ḳhair butoñ kā ho kar mahrūm-e-islām huā

havā bhī tez na thī aur charāġh mar bhī gayā
maiñ sāmne bhī rahā zehn se utar bhī gayā

havā se dostī jis ko thā mashvara merā
usī charāġh kī lau se maiñ aaj Dar bhī gayā

ye vaqt kā be-karāñ samundar maiñ us kī had tak pahuñch na paayā
girā thā sāhil pe TuuT kar jo huā thā jo ġharq-e-āb maiñ huuñ

sub.h bālīñ pe ye kahtā huā ġham-ḳhvār aayā
uTh ki fariyād-ras-e-āshiq-e-bīmār aayā

ḳhush ho ai ishq ki phir husn huā mā.il-e-nāz
muzhda ai jins-e-mohabbat ki ḳharīdār aayā

ḳhush ho ai pīr-e-muġhāñ 'josh' huā naġhma-farosh
muzhda ai duḳhtar-e-raz rind-e-qadah-ḳhvār aayā

roz uTh jaatī hai ghar meñ koī dīvār na.ī
is tarah tañg huā jaatā hai āñgan apnā

charāġh-e-jāñ ko kahāñ tak bachā ke ham rakhte
havā bhī tez thī manzil bhī chal-chalāv kī thī

un ko bhī mujhe sher sunāne kā huā hukm
kuchh sher se jin ko koī nisbat bhī nahīñ hai

havā ko habs karnā ho to koī tum se sīkhe
darīche band darvāza khulā rakkhā hai tum ne

dekhiye Dūbtā huā sūraj
baiThiye oḌhnī bichhātī huuñ

kyuuñ ki bigḌā huā unheñ kahiye
bigḌe aur muñh banā.e baiThe haiñ

lafz zanjīr huā
ḳhauf-e-darbāñ hai tazabzub zindāñ

vāpas ghar jā ḳhatm huā
khel-tamāshā ḳhatm huā

pīchhe muḌ kar kyā dekho
jo pīchhe thā ḳhatm huā

dhīre dhīre dard uThā
rafta rafta ḳhatm huā

tum bhī haare merī haar
jaane kyā kyā ḳhatm huā

sahrā dariyā jañgal shahr
lambā rasta ḳhatm huā