Tags-Hawa

reḳhta rutbe ko pahuñchāyā huā us kā hai
mo'taqid kaun nahīñ 'mīr' kī ustādī kā

marg-e-āshiq kī sun ke sab rūdād
pūchhte haiñ ki kyā huā aage

dil mirā shākī-e-jafā na huā
ye vafādār bevafā na huā

sadā.eñ Duub jaatī haiñ havā ke shor meñ aur maiñ
galī-kūchoñ meñ tanhā chīḳhtā rahtā huuñ bārish meñ

hazīmatoñ ke safar kā raahī ufuq ko dekhegā bebasī se
ufuq se baḌhtā huā samundar zamīñ ko qadmoñ se khīñch legā

jalā ke ghar se raqīb sham.eñ havā meñ ham tum nikal paḌe haiñ
yahī hai donoñ ko intizār ab ki pahle kis kā diyā bujhegā

apnoñ pe e'timād na ġhairoñ pe e'timād
ye kaisī chal paḌī hai havā tere shahr meñ

ye bayān-e-hāl ye guftugū hai mirā nichoḌā huā lahū
abhī sun lo mujh se ki phir kabhū na sunoge aisī kahāniyāñ

chīḳh rahe haiñ ḳhālī kamre
shaam se kitnī tez havā hai

ab marī hālat-e-ġhamnāk pe khuḌhnā kaisā
kyā huā mujh ko agar aap nai nāshād kiyā

saiñkaḌoñ sajdoñ meñ vaa.iz ko huā hai hāsil
zīnat-e-mahfil-e-arbāb-e-riyā ho jaanā

jo chāhe sajda guzāre jo chāhe Thukrā de
paḌā huā maiñ zamāne kī rahguzar meñ huuñ

phir aur kyā hai agar zavāl-e-ḳhudī-o-ḳhud-āgahī nahīñ hai
dil-o-nazar ko ye kyā huā hai kahīñ bhī āsūdgī nahīñ hai

merā girya rā.egāñ jaane lagā
kyā huā hāsil riyā-kāroñ ke beach

phir tirī yaad ne siine meñ baserā Daalā
phir tire shahr meñ ābād huā āvāra

be-karāñ vaqt kī bandish se milī āzādī
chand lamhoñ ke liye maiñ bhī huā āvāra

kitnī āñkhoñ ke ta.āqub se hirāmāñ ho kar
kunj-e-tanhā.ī meñ ābād huā āvāra

garm aaheñ kar chukā ab khīñchtā huuñ sard aah
lījiye ThanDī havā kā ek jhoñkā bhī sahī

kaun hai jo na huā bandish-e-ġham se āzād
juz mire kaun rahā dahr meñ nākām-e-murād

ek lamha bhī masarrat kā mayassar na huā
jaane kis vaqt mohabbat kī rakhī thī buniyād