Tags-Hawa

zarā chale to sahī pāniyoñ pe tez havā
khaḌā safīna khule bādbāñ se niklegā

umr bhar tīrgī se khele hai
koī hañstā huā sitārā bhī

firāq meñ ye nayā tajraba huā mujh ko
ki ek raat zamāne meñ be-sahar bhī hai

kab tak havā ke dosh pe chalte raheñge ham
rakhne ko paañv kuchh to zamīñ chāhiye hameñ

jaane kis ko DhūñDne dāḳhil huā hai jism meñ
haDDiyoñ meñ rāsta kartā huā piilā buḳhār

raushnī merī huā chāhtī hai
bas vo darvāza khulā chāhtī hai

bel ziddī hai junūñ kī merī
vo lipaTne ko havā chāhtī hai

is sarv-qāmat ke josh-e-mohabbat meñ az-bas ki āzād sab señ huā huuñ
mānind-e-qumrī badan kuuñ lagā rā kah yaahū ke dam bhar malañgoñ meñ rahiye

havā to tham chukī lekin diyoñ ke
ravayyoñ meñ abhī dahshat bahut hai

phir aa ke lag rahe haiñ paroñ par havā ke tiir
parvāz apnī rok luuñ Dar jā.ūñ kyā karūñ

thakā huā huuñ kisī saa.e kī talāsh meñ huuñ
bichhaḌ gayā huuñ sitāroñ se raushnī kī tarah

jis paas mudāvā nahīñ kuchh āb-o-havā kā
lāzim hai mire halqa-e-taqrīr meñ aave

ye kis hasīñ dayār kī ThanDī havā chalī
har mauja-e-ḳhayāl pe sad-hā shikan paḌe

tum ne dil-nagrī ko ujḌā huā gaañv jaanā
varna ik shahr thā is gaañv ke pīchhe pīchhe

tū jo talvār se nahlā.e lahū meñ mujh ko
ġhusl-e-sehhat huā bhī ishq kī bīmārī se

to kyā huā jo ab āñkhoñ meñ qaid hai sahrā
tire firāq meñ dariyā yahāñ se guzrā hai

ainak ke shīshe par saraktī chyūñTī
aage ke paañv uupar havā meñ uThā kar

parbat kī tarah vaqt ke siine meñ gaḌā huuñ
chaltā hī nahīñ zor havā kā mire aage

sūkhe shajar hare jo hue phir to kyā huā
nāsūr-e-nau hamāre bhī zaḳhm-e-kuhan meñ hai

sard rātoñ kī havā meñ uḌte pattoñ ke masīl
kaun tere shab-navardoñ ko sambhāle shahr meñ