Tags-Hawa

munjamid hotī chalī jaatī haiñ āvāzeñ tamām
ek sannāTā hai saare shahar meñ phailā huā

āsmānoñ par likhī tahrīr dhundlī ho ga.ī
ab koī masraf nahīñ āñkhoñ kā ye achchhā huā

is hathelī meñ bahut sī dastakeñ rū-posh haiñ
us galī ke moḌ par ik ghar thā kal tak kyā huā

misāl-e-barg-e-ḳhizāñ hai havā kī zad pe ye dil
na jaane shāḳh se bichhḌe to phir kidhar jaa.e

havā ke dosh pe uḌtī huī ḳhabar to suno
havā kī baat bahut duur jaane vaalī hai

dī thī tasallī ye kis dil se
chup na huā chillāne vaalā

barjā hai barg-e-gul suuñ kafan us kuuñ hue nasīb
jo kui huā shahīd vo gul-gūñ qabā ke haath

ye e'timād bhī merā diyā huā hai tumheñ
jo mere mashvare be-kār jaane lag ga.e haiñ

qatra-e-ashk meñ surḳhī kā kahīñ naam nahīñ
lahū terā bhī huā ai dil-e-nākām safed

vasl kī shab jo huī sub.h yakāyak to huā
maiñ idhar zard udhar rū-e-dilārām safed

miloñ ke shahr meñ ghaTtā huā din sochtā hogā
dhueñ ko jītne vāloñ kā sūraj dūsrā hogā

tujhe āġhāz hī se paḌh liyā thā
tire chehre pe sab likhā huā thā

aur us ke ba.ad diid kā manzar simaT gayā
zāhir huā thā sho.ala ḳharābāt par kabhī

har baar dikhātā hai junūñ ḳhāna-e-zanjīr
is ghar meñ guzārā huā har saal hamārā

mazmūñ na bañdhā mū-e-kamar kā to vo bole
TeḌhā na huā shā.iroñ se baal hamārā

ik pal bhī judā dīda-e-tar se nahīñ hotā
ab aañkh kā parda huā rūmāl hamārā

charāġh kahne lagā phir havā ke jhoñke se
ye ehtimām to ai dost hai tirā na mirā

pyaar kise kahte haiñ ye ehsās huā hai pahlī baar
mere dil meñ mīThā mīThā dard uThā hai pahlī baar

havā kuchh aisī chalī hai 'faizī' tamīz apnoñ kī ab hai mushkil
mirī tamannā bhī kuchh ḳhafā hai vafā bhī dāman chhuḌā rahī hai

is bhuul meñ na rah ki ye jhoñke havā ke haiñ
tevar to un ke dekh zarā kis balā ke haiñ