Tags-Hawa

jhukā daraḳht havā se to āñdhiyoñ ne kahā
ziyāda farq nahīñ jhukne TuuT jaane meñ

jab tak hamāre naam se vāqif huā jahāñ
tab tak hamāre naam kā patthar ukhaḌ gayā

ba.ad meñ kyā anjām huā ye aage paḌhne vaale batā.eñ
us kī kitāb-e-dildārī kī pahlī jild to puurī thī

havā ne apne liye naam kuchh rakhe hoñge
thakan se pūchh liyā ghar kā rāstā tū ne

qadam ukhaḌ se ga.e the bajā.e ham-safarī
havā ko oḌh ke dekhā thā bār-hā tū ne

ghar se gaatā huā niklā to huuñ maiñ naġhma-e-ehsās magar
shahr ke shor meñ dab jaa.eñ na sar lai na badal jaa.e kahīñ

ḳhamoshī kah rahī hai ab ye do-ābā ravāñ hogā
havā chup ho to bārish ke shadīd āsār hote haiñ

thapkiyāñ dete rahe ThanDī havā ke jhoñke
is qadar jal uThe jazbāt ki ham so na sake

rah-e-vafā meñ fanā huā par kisī ke aage jhukā nahīñ jo
vafāoñ kā maiñ vo qāfila huuñ mujhe duāoñ meñ yaad rakhnā

ye kahīñ us ke mazālim kā mudāvā hī na ho
ye jo pattoñ ko havā saath liye phirtī hai

ye lahr lahr kise DhūñDtī hai mauj-e-havā
ye regzār kise aa.ina dikhāte haiñ

vahī huā ki ḳhud bhī jis kā ḳhauf thā mujhe
charāġh ko jalā ke bas dhuāñ milā mujhe

javāb is savāl kā bhī de zarā mujhe
uḌā ke laa.ī hai yahāñ pe kyuuñ havā mujhe

harī-bharī sī shāḳh par khilā huā gulāb
na jaane ek ḳhaar kyuuñ chubhā gayā mujhe

hasīñ hashr meñ sar jhukā.e hue haiñ
vafā aaj va.ada huā hai kisī kā

banā luuñ ḳhudā to bhī mere na hoñge
butoñ meñ koī bhī huā hai kisī kā

ye abr shafaq-āgūñ ye sard havā saaqī
ik aur surāhī lā ik aur de paimāna

nok-e-nashtar se khilā.ī ga.iiñ kaliyāñ kitnī
jaane is shahr kī kyā āb-o-havā Thahregī

tā umr intizār sahī par ba-roz-e-hashr
achchhā huā ki tere talabgār ham hue

gul huā ye kis kī hastī kā charāġh
mudda.ī ke ghar jalā ghī kā charāġh