Tags-Hawa

tab adālat se ri.āyat nahīñ mil paatī thiiñ
tab gunahgār gunahgār huā karte the

kyā zamāna thā mahaktī thiiñ vo kyārī ghar kī
ghar ke āñgan gul-o-gulzār huā karte the

qaid maz.hab kī na thī kal ke paḌosī donoñ
ek duuje ke madad-gār huā karte the

ghar ke sab log nibhāte the ḳhushī se jin ko
ghar ke har fard ke kirdār huā karte the

aisā vīrāñ huā hai dil is baar
ab ke imkāñ nahīñ haiñ basne ke

jaane kis taraf lekin
har qadam huā ehsās

yuuñ sehr-e-kashish ne kiyā e.ajāz kā munkir
dīvār-e-havā par mujhe shahtīr dikhā kar

ek chhoTā sā laḌkā thā maiñ jin dinoñ
ek mele meñ pahuñchā humaktā huā

apnī bulandiyoñ se girūñ bhī to kis tarah
phailī huī fazāoñ meñ bikhrā huā huuñ maiñ

ye kahāñ se aa.ī hai surḳh-rū hai har ek jhoñkā lahū lahū
kaTī jis meñ gardan-e-ārzū ye usī chaman kī havā hai kyā

kaun mar kar dobāra zinda huā
kaun mulk-e-fanā se lauTā hai

aah qāsid tū ab talak na phirā
dil dhaḌaktā hai kyā huā hogā

mujh se jo tañg huā maiñ ne use chhoḌ diyā
us ko ḳhud chhoḌ ke jaane kī bhī zahmat nahīñ dī

ishq qaa.il nahīñ huā hai 'valī'
maslahat rāh-e-darmiyānī hai

kyuuñ na apnī ḳhūbi-e-qismat pe itrātī havā
phuul jaise ik badan ko chhū kar aa.ī thī havā

qarār-e-jalva-numā.ī huā hai fardā par
ye tuul dekhiye ik muḳhtasar zamāne ke

na ho sakā mujhe ma.alūm kar ga.ī kaise
mire vajūd ko larzāñ havā udāsī kī

jab ḳhayāl-e-yār dil meñ vālehāna aa gayā
lauT kar guzrā huā kāfir zamāna aa gayā

ravāñ-davāñ haiñ havā par svāriyāñ kaisī
jinheñ daraḳht bhī jhuk kar salām karte haiñ

chāñdnī shabnam havā kī barchhiyāñ chalne ko haiñ
din ga.e kyuuñ aa.e ho jaao ruko yā sub.h tak