Tags-Hawa

ḳhudā jaane huā kyā kūcha-e-jānāñ meñ dil jā kar
mirā bhūlā huā bhaTkā huā ab tak nahīñ aayā

is se pahle ki havā mujh ko uḌā le jaa.e
apnī zulfoñ meñ koī aa ke sajā le jaa.e

merī fariyād sunī hai na vo dil mom huā
yūñhī bah bah ke mire aaj ye haare aañsū

jab bhī us zulf-e-pareshāñ kī havā aatī hai
ham to ḳhushbū kī tarah ghar se nikal jaate haiñ

ek nādān dost kī ḳhātir
dushmanoñ se milā huā huuñ maiñ

koī bhūlā huā naġhma huuñ dil kā
vafā ke āñsuoñ meñ Dhal rahā huuñ

jaane ham pe kyā kyā biitī tan kā lahū sab sarf huā
ruḳh kī zardī bhī hai ġhanīmat ab to apnī yahī pūñjī hai

nā-qābil-e-yaqīñ thā agarche shurūa meñ
sūraj magar ġhurūb huā thā tulūa meñ

ye jo phūloñ se bharā shahr huā kartā thā
us ke manzar haiñ dil-āzār kahīñ aur chaleñ

samand-e-shauq pe ḳhat us kā tāziyāna huā
mile hue bhī to us se hameñ zamāna huā

ye sochtā huuñ ki āḳhir vo maslahat kyā thī
ki jis se tark-e-ta.alluq kā ik bahāna huā

ab aa bhī jaao ki ik dūsre meñ gum ho jaa.eñ
visāl-o-hijr kā qissa bahut purānā huā

vo jis se milne kī dil meñ taḌap ziyāda hai
hamārā us se ta.āruf bhī ġhā.ebāna huā

sadāqatoñ pe yaqīñ koī kis tarah kar le
ki kal jo sach thā vahī aaj ik fasāna huā

vo terī bazm se bāzār ho ki gulshan ho
kahāñ kahāñ na mirā dil tirā nishāna huā

vo aaj aa.e haiñ 'nādir' to aisā lagtā hai
falak pe jaise hamārā ġharīb-ḳhāna huā

is peḌ ke saa.e meñ bhī kyuuñ itnī ghuTan hai
haiñ sabz ye patte to havā kyuuñ dete

kyā koī biit chuke ġham ke badalte mausam
sānehe jo na hue vo bhī huā chāhte haiñ

kaun kahtā huā zindān-e-badan se niklā
qaid meñ rakh ke bhī ham se ye vafā chāhte haiñ

apnī rūdād kā raavī hai ye sotā huā ghar
ik palak niiñd nahīñ chaar bajā chāhte haiñ