Tags-Hawa

lo sard huā maiñ nīm-bismil
puurī huī aarzū tumhārī

jab judā.ī ke mazāmīn mujhe sūjhe haiñ
harf se harf huā hai dam-e-tahrīr judā

ab to har jazba-e-bebāk kā bhī
hausla past huā jaatā hai

rafta rafta dil-e-dīvāna bhī
mahram-e-rāz huā jaatā hai

be-gunāhoñ kā bhī ab to 'fāriġh'
jiinā dushvār huā jaatā hai

havā ke dosh pe bādal kī mushk ḳhālī hai
jo sab ko bāñTtā phirtā thā ḳhud savālī hai

kyā ġhazab hai garm ho kar bhī havā uḌtī nahīñ hai
sūkhne nadiyāñ lagī haiñ aur parvat gal rahe haiñ

havā merī baat nahīñ samajhtī
havā tumhārī baat nahīñ samajhtī

karoḌoñ saal kā dekhā huā tamāshā hai
ye raqs-e-zīst ki be-qasd-o-be-irāda hai

jo khilī chaman meñ na.ī kalī to vo jashn-e-saut-o-sadā huā
kahīñ bulbuleñ huiiñ naġhma-zan kahīñ raqs-e-bād-e-sabā huā

koī phuul ḳhushbū se chuur sā koī rañg halqa-e-nūr sā
koī husn ġhairat-e-hūr sā tire naam saarā likhā huā

vo bichhaḌ gayā to pata chalā ki thā saḳht kitnā ye hādisa
gayā nuur jaise charāġh kā ki badan se aks judā huā

jo savār rāh-e-ziyāñ ke the kahīñ naam ab ke na kar sake
na junūñ meñ surḳh huī zamīñ na sukūñ meñ dasht harā huā

mirī jañg mere hī saath thī ki harīf bhī thā halīf bhī
kabhī dostoñ meñ ghirā huā kabhī dushmanoñ se milā huā

vo havā chalī ki mire chaman hue raakh aur dhuveñ ke ban
ki hare shajar bhī sulag uThe ye bharī bahār meñ kyā huā

is qadar sanjīda thā vo daf.atan būḌhā huā
aur phir ik dopahar biivī ko beva kar gayā

dūrdarshan par tarab āgīñ tamāshā dekh kar
ḳhush huā vo is qadar maare ḳhushī ke mar gayā

ye tirā adl kyā huā yārab
koī adnā hai koī aalī hai

chalte rahnā kaThin huā 'hasrat'
paañv zaḳhmī haiñ raat kaalī hai

dil kā ḳhuun huā ho shāyad
duur pare jo kohrā sā hai