Tags-Hawa

uñglī figār koī na ḳhuuñ meñ qalam huā
kab ham se apne dard kā qissa raqam huā

ro.e tamām umr magar is hunar ke saath
aañsū palak pe aayā na kāġhaz hī nam huā

ghar chhoḌ aa.e aap bhī achchhā kiyā huzūr
ye to junūñ kī raah meñ pahlā qadam huā

rah rah ke sar uThātī rahīñ kitnī ḳhvāhisheñ
in bāġhiyoñ meñ sar bhī kisī kā qalam huā

dekhā thā ḳhud ko maiñ ne tujhe dekhne ke ba.ad
ye to gunāh mujh se ḳhudā kī qasam huā

hai tarz-e-guftugū bhī vahī dost bhī vahī
dushman to merī jaan kā merā bharam huā

'fārūq' ab kisī se shikāyat kareñ to kyā
ham ko hī apne hone kā ehsās kam huā

ā.ankhoñ meñ huā hai ghar terā dil kahtā hai rakh har dam parda
ho chashm-e-tamannā kyuuñ kar vā āshiq kī nazar hai partav-e-ruḳh

phir huā koī bad-gumāñ ham se
phir janam le rahe haiñ afsāne

maiñ dillī lucknow meñ garche pahle hī se thā lekin
huā huuñ ghar meñ 'tarzī' mo'atabar āhista āhista

almārī se mile mujhe pahle pahal ke ḳhat
baiThā huā huuñ aap kā va.ada nikāl ke

to samajhtā thā ki ye dar-badarī kā aalam
duur desoñ kī ināyat thā so ab ḳhatm huā

kaun havā kā haath baḌhā.e naav ulaT jaa.e
dariyā kuude kaun uchhāle ye ham kyā jāneñ

rah ke achchhā bhī kuchh bhalā na huā
maiñ burā ho gayā burā na huā

kahne vaale vo sunñe vaalā maiñ
ek bhī aaj dūsrā na huā

ab kahāñ guftugū mohabbat kī
aisī bāteñ hue zamāna huā

shikva-e-lutf un se kyā 'nātiq'
na kabhī aap ne kahā na huā

manzūr us ko parde meñ haiñ be-hijābiyāñ
kis se huā do-chār vo ayyār ek tarah

huā 'zuhaib' dīvāna kisī ke ishq meñ dekho
galī-kūchoñ meñ phailegī ḳhabar āhista āhista

ḳhudā huuñ maiñ gumbad se laTkā huā huuñ
maiñ bhagvān mandir ke bāhar paḌā huuñ