Tags-Hawa

huā huuñ dil setī bandā piyā kī mehrbānī kā
fidā kartā huuñ har dam jī kuuñ apne yār-e-jānī kā

shaam aatī thī din guzarne par
kyā huā kyuuñ abhī se guzrī hai

faqat ek ḳhaak kā Dher hai ye baġhaur dekh rahe ho kyā
sar-e-lauh likkhā huā hai kuchh chalo bhī kisī kā mazār hai

yaqīnan maqsad-e-taḳhlīq ko samjhā huā hai vo
farā.ez se kabhī jo aadmī ġhāfil nahīñ hotā

ek jañgal jis meñ insāñ ko darindoñ se hai ḳhauf
ek jañgal jis meñ insāñ ḳhud se hī sahmā huā

miTTī ko chuum lene kī hasrat hī rah ga.ī
TuuTā jo shāḳh se to havā le ga.ī mujhe

taḌap dikhā na ise 'bahr' māhī-e-dil kī
ġhazab huā jo vo tār-e-nigāh shast hue

jab huā kaale kā gore se milāp
mil ga.iiñ tārīkiyāñ tanvīr se

andhā safar hai ziist kise chhoḌ de kahāñ
uljhā huā sā ḳhvāb hai tābīr kyā kareñ

bas ye huā ki rāsta chup-chāp kaT gayā
itnī sī vārdāt kī tash.hīr kyā kareñ

is qadar Duubā huā dil dard kī lazzat meñ hai
terā āshiq anjuman hī kyuuñ na ho ḳhalvat meñ hai

merā hī ḳhānumāñ nahīñ vīrāñ huā koī
bahutoñ kī kī haiñ ishq ne ḳhāna ḳharābiyāñ

chalā havas ke jahānoñ kī sair kartā huā
maiñ ḳhālī haath ḳhazānoñ kī sair kartā huā

pukārtā hai koī Dūbtā huā saayā
larazte ā.īna-ḳhānoñ kī sair kartā huā

bahut udaas lagā aaj zard-rū mahtāb
galī ke band makānoñ kī sair kartā huā

maiñ ḳhud ko apnī hathelī pe le ke phirtā rahā
ḳhatar ke surḳh nishānoñ kī sair kartā huā

kalām kaisā chakā-chauñd ho gayā maiñ to
qadīm lahjoñ zabānoñ kī sair kartā huā

ziyāda duur nahīñ huuñ tire zamāne se
maiñ aa milūñgā zamānoñ kī sair kartā huā

ghirā huā huuñ janam-din se is ta.āqub meñ
zamīn aage hai aur āsmāñ mire pīchhe

aag paanī bhī hai miTTī hai havā hai mujh meñ
mere ḳhāliq kā koī raaz chhupā hai mujh meñ