Tags-Gham

tum apne ho to nahīñ ġham kisī muḳhālif kā
zamāna kyā hai falak kyā hai mudda.ī kyā hai

kuchh ġham nahīñ ki ho mirī hadd-e-nazar se duur
lekin tumhārī yaad to qalb-o-jigar meñ hai

yārab jo ḳhār-e-ġham haiñ jalā de unhoñ ke ta.iiñ
jo ġhuncha-e-tarab haiñ khilā de unhoñ ke ta.iiñ

mere ġham-ḳhāne meñ aate hue ummīd kī zau
pūchhtī hai ki udhar merā guzar ho ki na ho

koī fikr na koī ġham hai
mere saath mirā hamdam hai

is vaqt mire kalba-e-ġham meñ tirā aanā
bhaTkā huā jhoñkā hai nasīm-e-saharī kā

ye kyā ġham hai mire ash.ār ko nam kar diyā kis ne
ye dil meñ kis samundar kī ghaTā ko dekhtā huuñ maiñ

kabhī fāqa-kashī kā ġham na chhat kī fikr hai lekin
ġharībī beTiyoñ kā pahle zevar mol detī hai

ġhalat-bayāñ ye fazā mahr o kiiñ daroġh daroġh
sharāb laao ġham-e-kufr-o-dīñ daroġh daroġh

malūl kuchh ġham-e-bālīdgī se hai varna
sirisht-e-gul ko malāl-e-zamīñ daroġh daroġh

kyā fikr-e-āb-o-nān ki ġham kah rahā hai ab
maujūd huuñ ziyāfat-e-dil aur jigar ko maiñ

ik ġham hai use bhī bhuul jaa.eñ
pī rakkhī hai kyā sharāb ham ne

jo kī kisī ne bhī purshish-e-ġham to chashm-e-majbūr ho ga.ī nam
magar dil-e-zabt-āzmā ke bayān meñ iḳhtisār kab tak

aur hī hotī hai ik sāz-e-shikasta kī sadā
soz-e-ġham jis meñ na ho dil kī vo āvāz nahīñ

koī DhūñDhtā katāñ ke ta.iiñ yaaro par hai ġham
miltā kahīñ nahīñ dil-e-āgāh kyā kare

ġham kī bad-rūh se kuchh aur tavaqqo.a mat rakh
raat ke pichhle pahar us kā ye ronā ruk jaa.e

ham ki is bazm meñ haiñ sāya-e-ġham kī sūrat
kaun dekhegā hameñ zohra-jamāloñ kī tarah

jab bhī paḌhtā huuñ kitāb-e-ġham-e-hastī ai dil
tazkira un kā bhī miltā hai havāloñ kī tarah

hai ibārat jo ġham-e-dil se vo vahshat bhī na thī
sach hai shāyad ki hameñ us se mohabbat bhī na thī

apne ḳhalvat-ḳhāna-e-dil se jo nikle to hameñ
sab ke ġham meñ apnā ġham bhī jānñā mushkil huā