Tags-Gham

ab ye beḌā ḳhudā hī paar lagā.e
dil hai aur ġham kī nā-ḳhudā.ī hai

jhukī jaatī haiñ āñkheñ bār-e-ġham se
kisī āġhosh meñ sar rakh ke sote

sūraj ko ye ġham hai ki samundar bhī hai pāyāb
yā rab mire qulzum meñ koī sail-e-ravāñ aur

mazkūr rahe hai dard-o-ġham kā
din raat yahī fasāna hai yaañ

tirī yaad bhī terī yaad thī so chalī ga.ī
tirā ġham hī merā qarār thā so nahīñ rahā

tere ġham kā tadāruk kiyā to hameñ sharm aa jā.egī aur mar jā.eñge
ḳhvāb-āvar davā ham ne le lī to phir niiñd ke kizb se zaḳhm bhar jā.eñge

ranjisheñ dil meñ rakhnā burī baat hai kyuuñ na phir ibtidā se mohabbat kareñ
aao pahle sañvāreñ shab-e-ġham ko ham vaqt hogā to ḳhud bhī sañvar jā.eñge

kyā vaqt paḌā hai ai ġham-e-jāñ
ḳhud apnā vajūd khal rahā hai

darvesh qaid-e-ġham meñ dil-e-zār ho gayā
āzād ho gayā jo giraftār ho gayā

kyā kare tujh se paapī suuñ 'fā.ez'
siina ġham suuñ hai tere ābla-dār

din mirā Dhal gayā to ġham kaisā
dhuup ab bhī bahut sī lawn meñ hai

ab vo dil hī nahīñ vo ġham hī nahīñ
aarzū lā sako to aa jaao

ġham-gusāro bahut udaas huuñ maiñ
aaj bahlā sako to aa jaao

sarmāya-e-nashāt ġham-e-dil liye hue
huuñ ya.anī kaif-e-ishq kā hāsil liye hue

phir kashtī-e-hayāt hai girdāb-e-ġham ke saath
tufān-e-be-niyāzī-e-sāhil liye hue

hotā hai fuzūñ yaas meñ soz-e-ġham-e-ulfat
bujhtā hai to hotā hai ye dil shoa.la-fishāñ aur

dard-e-dil ne to hameñ behāl kar ke rakh diyā
kaash koī aur ġham hotā bajā.e dard-e-dil

mujhe har jagah sarfarāzī milī
ki ġham kā mujhe shāhzāda milā

hañsī ko taraste hue lab mile
har ik shakl par ġham kā ġhāza milā

haa.e vo rāz-e-ġham ki jo ab tak
tere dil meñ mirī nigāh meñ hai