Tags-Gham

hai gulū-gīr bahut raat kī pahnā.ī bhī
terā ġham bhī hai mujhe aur ġham-e-tanhā.ī bhī

maiñ zamāne meñ tirā ġham huuñ ba-unvān-e-vafā
zindagī merī sahī hai tirī rusvā.ī bhī

juz-ġham-e-dahr mujhe koī na pahchān sakā
tire kūche meñ tirī yaad mujhe laa.ī bhī

jaatā rahegā 'shauq' taḌapne kā ab maza
ġham baḌh rahā hai aaj had-e-e'tidāl se

abhī tak to jī ham ne khoyā nahīñ hai
abhī zabt-e-ġham kā asar dekhte haiñ

ai mire mūnis o ġham-ḳhvār mujhe marne de
baat ab hukm kī ta.amīl tak aa pahuñchī hai

kyuuñ ḳhalvat-e-ġham meñ rahte ho kyuuñ gosha-nashīñ bekār hue
āḳhir tumheñ sadma kyā pahuñchā kyā soch ke ḳhud-āzār hue

kyuuñ tark-e-alā.iq ko tum ne samjhā hai ilāj-e-ġham āḳhir
dekho to valī suufī bhī yahāñ kis ThaaT ke duniyā-dār hue

sad-shukr ki ḳhush-uslūbī se takmīl ko pahuñchī rusvā.ī
muhtāj-e-duā the jo ḳhud hī āḳhir vo mire ġham-ḳhvār hue

kahīñ vo mā.il-e-karam hī na hoñ
muskurā.e to ġham fuzūñ na huā

ishq kā zikr sher meñ kyuuñ hai
ye to 'ālī' ġham-e-darūñ na huā

mire dil ke hāthoñ se bahr-e-vafā meñ mirī zindagī meñ na ho jaa.e gaḌbaḌ
kabhī kasrat-e-rañj-o-ġham kā thapeḌā kabhī josh-e-ummīd-o-hasrat kī ojhaḌ

vo arz-e-tamannā ko fariyād samjhe vo fariyād ko ġham kī rūdād samjhe
zarā sī mirī baat thī lekin us kā huā rafta rafta kahāñ tak batañgaḌ

havā-e-sub.h yak-ālam garebāñ chākī-e-gul hai
dahān-e-zaḳhm paidā kar agar khātā hai ġham merā

ġham-e-uqbā ġham-e-daurāñ ġham-e-dil
hameñ kitnā banāyā jā rahā hai

dil kā ġham se ġham kā nam se rābta bantā gayā
dhīre dhīre bārishoñ kā silsila bantā gayā

dard-o-ġham sahne kī aadat is qadar puḳhta huī
hārnā āḳhir hamārā mashġhala bantā gayā

sīna-e-barbat se jo sho.ala uThā
ġham-zadoñ ke dil kā naġhma ho gayā

raat dil ko thā sahar kā intizār
ab ye ġham hai kyuuñ saverā ho gayā

pūchhiye us se ġham-e-sāz-e-ḳhulūs
chaar hī din meñ jo rusvā ho gayā