Tags-Gham

hāsil-e-ġham yā ġham-e-hāsil mayassar kuchh nahīñ
zindagānī ke sabhī asbāb jal kar rah ga.e

haa.e vo ġham jo bayāñ kī had meñ aa sakte na the
qaid-o-ashk-o-āh se aage nikal kar rah ga.e

ġham-e-zamāna ne majbūr kar diyā varna
ye aarzū thī ki bas terī aarzū karte

likh likh ke mere naam aziyyat ke dasht-o-dar
jāgīr mere ġham kī baḌhāne lagā hai vo

koī ik zā.iqa nahīñ miltā
ġham meñ shāmil ḳhushī sī rahtī hai

har ek lamha badaltī huī kahānī meñ
hikāyat-e-ġham-e-dil mo'tabar kahāñ tak hai

ḳhūn-e-ma.asūm se dīvāroñ par
ġham kā afsāna likhā jaatā hai

ġham-e-ayyām kā har ik manzar
shiddat-e-dard baḌhā jaatā hai

ġham kī ismat bachchī huī thī magar
vaqt ne vo bhī rauñd Daalī hai

ġham duniyā bahut īzā-rasāñ hai
kahāñ hai ai ġham-e-jānāñ kahāñ hai

shab-e-ġham dāġh-e-dil kī sham.a jalā
chāñd-tāroñ kā intizār na kar

naale hoñ ki aaheñ ai shab-e-ġham jab aa ga.iiñ lab par sabr kiyā
sahne ko to sab kuchh dil ne sahā sahne kī tarah kab sah jaanā

sust raftār taare bhī āñkheñ jhapakne lage
ġham ke maaro ghaḌī do ghaḌī so raho so raho

ye kahāñ kī dostī hai ki bane haiñ dost nāseh
koī chārasāz hotā koī ġham-gusār hotā

'arsh' is meñ talḳhī-e-ġham ke sivā kuchh bhī nahīñ
tū kitāb-e-zindagī kī safha-gardānī na kar

ab merī tabāhī kā use ġham bhī nahīñ hai
jis ne mujhe chāhā thā baḌe naaz se pahle

vo parāyā thā 'fanā' is kā gilā kyā kiije
ġham to ye hai ki maiñ ḳhud aap bhī apnā na rahā

tamām umr tire ġham kī ābyārī kī
to shāḳh-e-jāñ meñ gul-e-tāza kā samar aayā

zindagī meñ saiñkaḌoñ ġham the tire ġham ke sivā
dil meñ vīrāne to the par itnī tanhā.ī na thī

ḳhudā kā shukr adā kiije ḳhush-nasībī par
'hafīz' aap dil-e-ġham-shanās rakhte haiñ