Tags-Gham

ḳhuub hai dard-o-ġham-e-dil kā mudāvā lekin
ḳhud ko bhī ai dil-e-nākām nazar meñ rakhnā

intisāb-e-ġham-e-hastī ke liye ab ai 'nāz'
ḳhūb-sūrat sā koī naam nazar meñ rakhnā

barg malte haiñ jo kaf-e-afsos
kis ke ġham meñ haiñ sogvār daraḳht

kyuuñ añdherī hai shab-e-ġham hai balāoñ kā nuzūl
aaj udhar hī ko rahegā dīda-e-aḳhtar khulā

vādī-e-kun se ġham-e-marhala-paimā niklā
merī kashtī ko liye vaqt kā dariyā niklā

mehnat-e-ahl-e-vafā aa hī ga.ī kaam āḳhir
har shigāf-e-ġham-e-hastī se saverā niklā

balā-e-nā-gahāñ girya giraftārī nahīñ ġhāfil
vo ho ġham se mire āzād jitnā us kā jī chāhe

pahle ġham se nihāl kartā thā
ab ḳhushī se nihāl kar Daalā

mirī ġham-ḳhvār ye duniyā na ho to ġham nahīñ 'sāhil'
mirī fitrat meñ shāmil hai ye ġham-ḳhvārī nahīñ jaatī

bhaTak na jā.ūñ kahīñ ġham kī rahguzāroñ meñ
nigāh-o-dil ko ujāloñ kā rāsta denā

muqaddar par huā huuñ jab se maiñ raazī usī din se
ḳhushī ho yā ki ġham chehre kī tābānī nahīñ jaatī

mirā ġham ishrat-e-rafta kā naġhma
ki misl-e-gard bū-e-kārvāñ huuñ

tū ḳhushiyāñ hī sameT aur ġham mujhe de de maiñ huuñ nā
tire hisse kī ġhamgīnī ko maiñ rotā rahūñgā

ġham par haiñ ta.ana-zan to ḳhushī bhī nibhā.iye
sarkār merī bāda-kashī bhī nibhā.iye

dil meñ aatā hai tire ġham ko yaar
mahram-e-rāz kiyā chāhiye ab

hujūm-e-ġham meñ zabāñ saath jab na de paa.ī
jo haal dil kā thā maiñ ne sunā diyā likh kar

koī umiid kī bārish kā ehtimām karo
maiñ jal rahā huuñ ġham-o-yās kī chitāoñ meñ

mire ġham-kade meñ phūTī jo shuā dāġh-e-dil se
vahī ik charāġh-e-tāq-e-sar-e-shām ban ke aa.ī

chhīne se ġham-e-ishq shakebā.ī o ārām
ai dil ye paḌī luTtī hai buñgāh kisū kī

ġham sañvarte rahe ham sambhalte rahe shauq manzil ke sheve badalte rahe
the jo nazdīk ham se vo ab duur haiñ the jo nā-āshnā āshnā ho ga.e