Tags-Gham

ismat kā apnī us ko jab aaphī ġham na hove
lagte haiñ ham jo nāhaq ġham khāne bāvle haiñ

ġham na kar ġham kī siyah raat badal saktī hai
jo bhī ho sūrat-e-hālāt badal saktī hai

ārzūoñ ko apnī kam na karo
jiinā chāho to koī ġham na karo

kisī meñ tāb-e-alam nahīñ hai kisī meñ soz-e-vafā nahīñ hai
sunā.eñ kis ko hikāyat-e-ġham ki koī dard-āshnā nahīñ hai

kal us but-e-bā-vafā se mil kar jo aur betāb ho gayā dil
huā ye zāhir ki ranj-o-ġham kī jahāñ meñ koī davā nahīñ hai

kyā tarjumānī-e-ġham-e-duniyā kareñ ki jab
fan meñ ḳhud apnā ġham bhī samoyā na jā sakā

mirī hayāt agar muzhda-e-sahar bhī nahīñ
sitam ye hai ki tire ġham kī rahguzar bhī nahīñ

maiñ terī jumbish-e-mizhgāñ se kaañp jaatā hoñ
agarche dil ko ġham-e-do-jahāñ se Dar bhī nahīñ

kuchh apne kaam nahīñ aave jām-e-jam kī kitāb
kifāyat apne ko bas ek apne ġham kī kitāb

udaas chehra hai shām-e-ġham kā dhuāñ dhuāñ shab utar rahī hai
abhī se koī sahar kā manzar nazar meñ apnī janāb rakhnā

ab to āñkhoñ par ġham-e-hastī ke parde paḌ ga.e
ab koī husn-e-mujassam be-naqāb aayā to kyā

baat jab hai ġham ke māroñ ko jilā de ai 'shakīl'
tū ye zinda mayyateñ miTTī meñ daab aayā to kyā

tirā lutf vaj.h-e-taskīñ na qarār sharh-e-ġham se
ki haiñ dil meñ vo gile bhī jo malāl tak na pahuñche

ḳhud apnī hī fazā meñ ḳhauf kā ehsās har lamha
adam-mahfūziyat kā duur tak ġhamnāk sannāTā

birah ke mahke siiñ qatl-e-dil par
piyāda ġham kā le e.alām aayā

hai ek ne.amat-e-uzmā ġham-e-mohabbat bhī
magar ye shart ki insāñ ko sāzgār aa.e

niklā huuñ ḳhud ko DhūñDne is kā magar hai mujh ko ġham
rāh-e-junūñ darāz hai merā safar qadam qadam

kis tarah 'amānat' na rahūñ ġham se maiñ dil-gīr
āñkhoñ meñ phirā kartī hai ustād kī sūrat