Tags-Dil

kirchaneñ dil kī ghanī palkoñ pe haiñ bikhrī huī
aa.ina TuuTā paḌā hai sāya-e-asrār par

kyā yahī manzil thī dil kī kyā usī ke vāste
gāmzan barsoñ rahā ġham kī rah-e-dushvār par

ek muddat se dil-o-jāñ ne lagā rakkhe haiñ kaan
an-sunī sargoshiyoñ kī ras-bharī jhankār par

royā kareñge aap bhī pahroñ isī tarah
aTkā kahīñ jo aap kā dil bhī mirī tarah

ḳhvāb ho jaam ho taara ho ki mahbūb kā dil
TūTne vaalī kisī shai se mohabbat mat kar

sar jhukāne ko hī sajda nahīñ kahte 'dānā'
jis meñ dil bhī na jhuke aisī ibādat mat kar

jaan leñge ki vo dil leñge jinheñ chāhā hai
dekhiye karte haiñ kyā aa ke vo jurmāna-e-ishq

dil pisā chāhtā hai jā ke hinā par us kī
ḳhirman-e-husn huā chāhtā hai dāna-e-ishq

dil kā hai qasd tirī bazm meñ aḌ kar jā.ūñ
kyā hī be-par kī uḌātā hai ye parvāna-e-ishq

har parī-zād kī hai jalva-numā ik tasvīr
shīsha-e-dil hai hamārā ki parī-ḳhāna-e-ishq

dil mirā ḳhaas makāñ hai jo tirī ulfat kā
kahtī hai saarī ḳhudā.ī ise kāshāna-e-ishq

us parī-rū ne jo dekhā mire dil ko sad-chāk
apnī zulfoñ meñ kiyā nām-e-havā shāna-e-ishq

ai 'sharaf' kaun mire dil ke muqābil hogā
ik yahī saarī ḳhudā.ī meñ hai mardāna-e-ishq

is ḳhāk-e-dil-nashīñ se chashme hue vo jaarī
chiin o arab meñ jin se hotī thī ābiyārī

ab tak vahī kaḌak hai bijlī kī bādaloñ meñ
pastī sī aa ga.ī hai par dil ke hausloñ meñ

hubb-e-vatan samā.e āñkhoñ meñ nuur ho kar
sar meñ ḳhumār ho kar dil meñ surūr ho kar

ġhunche hamāre dil ke is baaġh meñ khileñge
is ḳhaak se uThe haiñ is ḳhaak meñ mileñge

kisī ruḳhsār kā til bin chukā hai
hamāre dil meñ jo kiina thā pahle

aur ek taraf dil lene ko mahbūb bhavayyoñ ke laḌke
har aan ghaḌī gat bharte hoñ kuchh ghaT ghaT ke kuchh baḌh baḌh ke

jo dil meñ baat ho khultī nahīñ kisī pe magar
kahe jo aañkh vo sab ko sunā.ī detā hai