Tags-Dil

bayābāñ kī kashish ab le uḌegī dil ke zarroñ ko
ki har har saañs par vāraftagī mahsūs hotī hai

jahāñ dil zabt-e-ġham se ḳhuun ho jaatā hai siina meñ
vahīñ kuchh ruuh ko bālīdgī mahsūs hotī hai

agar siine meñ dil rakhte ho tum to aaj batlā do
tumheñ bhī merī betābī kabhī mahsūs hotī hai

jal gayā dil safed haiñ āñkheñ
ye to kuchh intizār meñ dekhā

jaisā muztar thā zindagī meñ dil
vohīñ maiñ ne qarār meñ dekhā

tiira aalam huā ye roz-e-siyāh
apne dil ke ġhubār meñ dekhā

aap pahlū meñ jo baiTheñ to sambhal kar baiTheñ
dil-e-betāb ko aadat hai machal jaane kī

ajiib karb-e-musalsal dil-o-nazar meñ rahā
vo raushnī kā musāfir añdhere ghar meñ rahā

vo jis ko khoj sarāboñ meñ thī samundar kī
vo apne dasht-e-dil-o-jāñ kī rahguzar meñ rahā

us ke sivā sab bhuul gayā huuñ
jab se vo mire dil meñ basā hai

baḌhne lagī hai dil kī dhaḌkan
shāyad us ne yaad kiyā hai

koī bhī dil meñ zarā jam ke ḳhaak uḌātā to
hazār gauhar-e-nāyāb dekh saktā thā

diyā dil to kahne lage pheñk kar
kaleje meñ apne ye dhar lījiye

ik sitāra dil meñ raushan thā magar
aañkh ne us ko kabhī dekhā na thā

har taraf tārīk thī duniyā magar
ik charāġh-e-dil thā jo bujhtā na thā

hamārī tishna-labī ab subū se khelegī
fuġhān-e-dil rag-e-jān-o-gulū se khelegī

ġharaz thī kyā tire tīroñ ko āb-e-paikāñ se
magar ziyārat-e-dil kyuuñ ki be-vazū karte

bandisheñ ishq meñ duniyā se nirālī dekheñ
dil taḌap jaa.e magar lab na hilā.e koī

ab dil meñ vo sab kahāñ hai dekho
baġhdād kahāniyoñ se haT kar

mire dil ke nuur se baḌh ke nahīñ mirī jaañ ke surūr se baḌh ke nahīñ
jo maah o mehr falak par haiñ jo laal o guhar pātāl meñ haiñ