Tags-Dil

ḳhudā dil kā nagar ābād rakhe
hazāroñ tarah ke ġham pal rahe haiñ

vahāñ bas ik dil ḳhālī thā aur miyāñ-'ehsās'
na ishq un ko huā thā na hone vaalā thā

ishq meñ avval fanā darkār hai
dil siiñ tark-e-mā-sivā darkār hai

tark-e-maqsad ain maqsad hai use
jis kuuñ dil kā mudda.ā darkār hai

dil ba-tañg aayā hai ab lāzim hai aah
ġhuncha-e-gul kuuñ sabā darkār hai

dil raqīboñ kā jalāne ai 'sirāj'
ātishīñ-rū dilrubā darkār hai

dil par dastak dene kaun aa niklā hai
kis kī aahaT suntā huuñ vīrāne meñ

zindagī apnī nazar aane lagī sirf sarāb
kabhī guzre jo dil-e-zār ke vīrāne se

ḳhuun ho jaatā hai jab sozish-e-pinhāñ se bhaḌaktā huā dil
tairne lagtā hai rag rag meñ lahū ho ke dhaḌaktā huā dil

kabhī na tum ne mizāj-e-dil-e-hazīñ pūchhā
bas ab muaaf karo aazmā ke dekh liyā

jo dil se aa.e zabāñ par vo raaz raaz kahāñ
jo rāzdāñ the unheñ bhī batā ke dekh liyā

nizām nau meñ na.e tajrabāt kaise kareñ
dil-o-dimāġh kī har shaḳhs ke uḌaan hai tañg

agarche ḳhud vo bahut tañg-zehan-o-dil hai magar
amīr-e-shahr ko duniyā kā har makān hai tañg

dil jo siine meñ zaar sā hai kuchh
ġham se be-iḳhtiyār sā hai kuchh

kal to aafat thī dil kī betābī
aaj bhī be-qarār sā hai kuchh

murda hai dil to gor hai siina
daaġh sham-e-mazār sā hai kuchh

na jaane zaḳhm-e-dil kī aaj gahrā.ī kahāñ pahuñchī
phaTā jaatā hai siina vo ḳhushī mahsūs hotī hai

samāyā jaatā hai jaise koī rag rag meñ dil ban kar
yūñhī ġham meñ koī shai aur bhī mahsūs hotī hai

azal se maut ne ab tak ka.ī qālib badalvā.e
magar jo choT thī dil meñ vahī mahsūs hotī hai

kisī kī yaad ko har dam bhulā.e rakhtā huuñ phir bhī
khaTaktī dil meñ nok-e-ḳhār sī mahsūs hotī hai