Tags-Dil

sarishk ġham meñ naġhme ho chuke zam
magar ḳhāmosh sāz-e-dil nahīñ hai

kahīñ jo dil na lagāveñ to phir udaas phireñ
vagar lagāveñ to mushkil ki be-havās phireñ

ab dil hai un ke halqa-e-dām-e-jamāl meñ
dekhā na thā jinheñ kabhī ḳhvāb-o-ḳhayāl meñ

bār-e-ġham-e-jahāñ bhī hai terā ḳhayāl bhī
haiñ kitnī vus.ateñ dil-e-āshufta-hāl meñ

apne hī dil pe kuchh nahīñ mauqūf ai 'nasīm'
har dil asiir hai ġham-e-hastī ke jaal meñ

jaan denā to baḌī chiiz hai dil bhī na diyā
tū to kahtā thā tujhe jaan se pyārī maiñ thī

ġham ke bādal dil-e-nāshād pe aise chhā.e
sāya-e-gul meñ bhī hamrāz na hañsne paa.e

yaad haiñ dil ko mohabbat ke shab-o-roz 'hasan'
gaañv jaise koī sailāb meñ aayā huā thā

aañkh meñ jalva tirā dil meñ tirī yaad rahe
ye mayassar ho to phir kyuuñ koī nāshād rahe

mirā dil mere jis pahlū meñ raqsāñ thā usī pahlū meñ jannat thī
ye manzar chashm-e-vā ke ḳhvāb kī ta.abīr thā kal shab jahāñ maiñ thā

imārat jism kī mismār hotī jā rahī har nafas lekin
dil-e-vīrāñ ko zo.am-e-rif.at-e-ta.amīr thā kal shab jahāñ maiñ thā

sheva-e-zabt ko rusvā dil-e-nāshād na kar
lab-e-ḳhāmosh ko ālūda-e-fariyād na kar

dil hai ganjīna-e-sad-gauhar-e-asrār-vafā
ai nigāh-e-ġhalat-andāz ise barbād na kar

saf.ha-e-dil se miTā azmat-e-māzī ke nuqūsh
haiñ ye bhūle hue afsāne inheñ yaad na kar

jise bhī chāhā use be-hisāb chāhā ki
hamāre dil meñ miyāñ sho.aba-e-hisāb na thā

dil ke bhī zamāne meñ badalte rahe andāz
dariyā kī tarah thā kabhī patthar kī tarah thā

mai-kade meñ na ḳhānqāh meñ hai
jo tajallī dil-e-tabāh meñ hai

haa.e vo rāz-e-ġham ki jo ab tak
tere dil meñ mirī nigāh meñ hai

dimāġh-o-jigar dil muḳhālif hue haiñ
huī muttafiq ab idhar raa.e sab kī

dil arsh se guzre hai zo.af meñ bhī
ye zor-āvarī dekho zārī-e-shab kī