Tags-Dil

tumheñ bhī javāban mohabbat milegī
mohabbat se dil meñ samā kar to dekho

terī yādeñ dafn kar detī haiñ us ke zor ko
roz uThtā to hai dil meñ jā-ba-jā tūfān sā

pūchhte haiñ baiTh kar pahlū meñ vo
ab to dard-e-dil ko kuchh ārām hai

bhūle se kabhī le jo koī naam hamārā
mar jaa.e ḳhushī se dil-e-nākām hamārā

apne hī sajde kā hai shauq mere sar-e-niyāz meñ
ka.aba-e-dil hai sāmne mahv huuñ maiñ namāz meñ

sub.h-e-azal hai sub.h-e-husn shām-e-abad hai dāġh-e-ishq
dil hai maqām-e-irtibāt silsila-e-darāz meñ

parda-e-e'tibār-e-ġhair pairahan-e-ḳhudī hai chaak
husn-e-azal hai jalva-rez sadma-e-dil-gudāz meñ

dafn hai dil jagah jagah ka.aba hai gaam gaam par
sajda kahāñ kahāñ kare koī harīm-e-nāz meñ

ḳhuun ke āñsuoñ se hai zīnat-e-husn-e-dil 'jigar'
chāhiye dāġh-e-ishq bhī sīna-e-pāk-bāz meñ

zaḳhm aisā thā Tapaktā thā lahū āñkhoñ se
dil bayāñ kar na sakā aisī tabāhī aa.ī

ek hī shaḳhs kā kartī hai adab dhaḌkan bhī
dil to duniyā tire ādāb se kam vāqif hai

sat.h-e-chehra par bhī pahle ek Thahrāv sā thā
dil kī gahrā.ī meñ bhī 'mohsin' bhañvar itne na the

raat yuuñ dil meñ tirī khoī huī yaad aa.ī
jaise vīrāne meñ chupke se bahār aa jaa.e

kyuuñ rihā.ī kī duā karte ho tum hazrat-e-dil
un kī zulfoñ meñ giraftār to ham haiñ tum kaun

dil-e-'muztar' kī vafāoñ se tumheñ kyā matlab
us kī har chiiz ke muḳhtār to ham haiñ tum kaun

bhulā chukī dil se shām-e-ġhurbat har ek naqsha har ek sūrat
hamārī āñkhoñ meñ lekin ab tak faroġh-e-sub.h-e-vatan hai baaqī

har sar meñ ye saudā hai ki maiñ hī maiñ huuñ
har dil meñ samāyā hai ki maiñ hī maiñ huuñ

dil kisī sā.at-e-giryāñ kā navishta jis kī
huī tafsīr to tafsīr bhī roī barsoñ

khel ye kaisā khel rahī hai dil se terī mohabbat
ik pal kī sarshārī de aur dinoñ malāl meñ rakkhe

mushkil ban kar TuuT paḌī hai dil par ye tanhā.ī
ab jaane ye kab tak us ko apne jaal meñ rakkhe