Tags-Dil

us se har rasm-o-rāh toḌ to dī
dil ko lekin bahut nadāmat hai

raat palkoñ pe dil dhaḌaktā thā
terā va.ada bhī kyā qayāmat hai

bhuul saktā hai unheñ koī bhī aise kaise
raftagāñ dil meñ basā karte haiñ kaise kaise

dil jo rūThā to manāne se kahīñ mantā hai
ye sitam bā.is-e-hasrat tujhe ai jaañ hoñge

chehre pe thoḌī rakkhī hai
dil meñ betābī rakkhī hai

dil ke shajar ne kis mehnat se
ik ik shāḳh harī rakkhī hai

vasl huā par dil meñ tamannā
jaisī thī vaisī rakkhī hai

'ālam' ġhazal meñ Dhal kar kyā ḳhuub lag rahī hai
jo Tiis mere dil kā āzār lag rahī thī

giraftārī kī lazzat aur nirā āzād kyā jaane
ḳhushī se kāTnā ġham kā dil-e-nāshād kyā jaane

raat bhar dil ke dhaḌakne kī sadā aatī rahī
raat bhar sāya-e-dīvār ne sone na diyā

kyā bad-gumāniyāñ haiñ mirī jaan lījiye
ye dil to hai vahī ise pahchān lījiye

gar imtihān-e-ishq ho manzūr to abhī
kartā huuñ maiñ niyāz dil o jaan lījiye

kyā phūTtā hai dil kī zamīñ se ba-rañg-e-ġham
kyā tairtā hai aañkh meñ naqsh-e-bahār sā

tumhārī chaal kī āhistagī ke lahje meñ
suḳhan se dil ko masalne kā kaam lenā hai

har taraf hai ajiib tārājī
dil meñ aa.ī sipāh-e-dānish phir

dil meñ ik dard uThā āñkhoñ meñ aañsū bhar aa.e
baiThe baiThe hameñ kyā jāniye kyā yaad aayā

ḳhauf sab jaatā rahā dil se azāb-e-hijr kā
naqd-e-jāñ denā gunāh-e-ishq kā kaffāra thā

malbūs pareshāñ dil ġhamgīñ iflās ke nashtar khāte haiñ
masjid ke farishte insāñ ko insān se kamtar paate haiñ

ḳhālī hoñ lahū se jis kī rageñ vo dil kā sharāra kyā rakkhe
īmān kī lazzat diiñ kā bharam iflās kā maarā kyā rakkhe