Tags-Dil

manzil hai kaThin dil bahut ārām-talab hai
kyuuñ yaad mujhe aate ho ai bhūlne vaalo

apnoñ kā ye aalam kyā kahiye milte haiñ to begānoñ kī tarah
is daur meñ dil be-qīmat haiñ TuuTe hue paimānoñ kī tarah

parvāne to jal bujhte haiñ magar dil haiñ ki sulagte rahte haiñ
āsāñ to nahīñ jiite rahnā ham aise girāñ-jānoñ kī tarah

yā sham.a kī lo hī maddham hai yā sard hai dil kī aag abhī
sochā thā ki uḌ kar pahuñcheñge us bazm meñ parvānoñ kī tarah

kashmakash meñ huuñ karūñ tark-e-ta.alluq kaise
us sitamgar pe mire dil ko bharosa bhī to hai

tarīq yaad hai pahle se dil lagāne kā
usī kā maiñ bhī huuñ majnūñ thā jis gharāne kā

kyuuñ dil meñ tire ho na haqīqat ye farozāñ
bhārat ke musalmāñ

dil meñ basne vaalā ik din
jeb ke andar rah jaatā hai

vo nigāheñ kyuuñ huī jaatī haiñ yā-rab dil ke paar
jo mirī kotāhī-e-qismat se mizhgāñ ho ga.iiñ

phaḌaktā jā misāl-e-bāl-e-jibrīl
na chup ho ai dil ai mere payāmī

dil meñ azm-e-haram sahī lekin
un ke kūche ko gar ye raah ga.ī

kyā dilkashī hai anjum-o-ḳhurshīd-o-māh meñ
aise na jaane kitne haiñ is jalva-gāh meñ

dil ko rahe shu.ūr jo hāl-e-tabāh meñ
me.arāj-e-zindagī hai ġham-e-be-panāh meñ

terī bāteñ hī sunāne aa.e
dost bhī dil hī dukhāne aa.e

qaa.em hai us se āriz-e-gulgūñ kī dilkashī
rañgīñ ruḳh-e-hayāt kā āñchal lahū se hai

ilāhī dil-navāzī phir kareñ vo mai-farosh āñkheñ
ilāhī ittihād-e-shīsha-o-paimāna ho jaa.e

badan par na.ī fasl aane lagī
havā dil meñ ḳhvāhish jagāne lagī

dil hī TuuTā hai kuchh nahīñ bigḌā
aap kī tarz-e-bevafā.ī se

us ne dil-e-be-kaif ko bīmār samajh kar
darmāñ ke liye nashtar-e-saffāk nikālā

din ko bhī dāġh-e-dil kī na kam hogī raushnī
ye lau hī aur hai ye charāġh-e-sahar nahīñ