Tags-Dil

farzāngī se tai huī kab manzil-e-hayāt
raḳht-e-safar meñ ik dil-e-dīvāna chāhiye

dil kā khel muqābil jaan
hañs kar maiñ ne khaa.ī maat

dil-dukhe ro.e haiñ shāyad is jagah ai kū-e-dost
ḳhaak kā itnā chamak jaanā zarā dushvār thā

bujhne pe dil hai saañs meñ bhī zābta nahīñ
zālim duhā.ī hai tire zor-e-shabāb kī

sūrat-parast merī nigāhoñ ne asl meñ
dil kyā mire vajūd kī miTTī ḳharāb kī

kyā tez hai ye mausam-e-bārān-e-suḳhan bhī
labrezī-e-dil kuchh hai navā-ḳhezī-e-lab kuchh

'sabā' ham ne to hargiz kuchh na dekhā jazb-e-ulfat meñ
ġhalat ye baat kahte haiñ ki dil ko raah hai dil se

ahl-e-fan us ko na bhūleñ ki dil o jaañ kī tapish
harf meñ ba.ad ko aatī hai sadā meñ pahle

dil-lagī hai sambhālnā dil kā
nāsehā kaam hai ye mushkil kā

mil ke talvoñ se hañs ke kahte haiñ
thā zamāne meñ shor usī dil kā

hasrateñ is pate par aatī haiñ
dāġh-e-dil hai charāġh manzil kā

aap ko kho ke tum ko DhūñDh liyā
hausla thā ye mere hī dil kā

kabhī kisī ne jo dil dukhāyā to dil ko samjhā ga.ī udāsī
mohabbatoñ ke usuul saare hameñ bhī sikhlā ga.ī udāsī

tumheñ jo sochā to mere dil se udāsiyoñ kā hujūm guzrā
kabhī kabhī to huā hai yuuñ bhī ki be-sabab chhā ga.ī udāsī

phūloñ kī hañsī se bhī dil jin kā nahīñ khiltā
un ko bhī hañsāte haiñ hañste hue paimāne

dil ko yuuñ le jaane vaalā kaun thā
the tumhīñ aur aane vaalā kaun thā

saath apne dil bhī merā le gayā
dekhnā ye jaane vaalā kaun thā

dil jo zer-e-ġhubār aksar thā
kuchh mizāj in dinoñ mukaddar thā

dil kī kuchh qadar karte rahiyo tum
ye hamārā bhī nāz-parvar thā

ba.ad yak umr jo huā ma.alūm
dil us ā.īna-rū kā patthar thā