Tags-Dil

sūkhā huā chehra ġhurbat se utrī huī hoñToñ kī laalī
māyūs nazar TuuTā huā dil aur haath bhī paise se ḳhālī

dil ke har zaḳhm ko palkoñ pe sajāyā to gayā
aap ke naam pe ik jashn manāyā to gayā

daar pe chaḌh ke bhī ḳhush haiñ ki hameñ is dil meñ
is bahāne hī sahī apnā banāyā to gayā

zabāñ hai be-ḳhabar aur be-zabāñ dil
kahe kis tarah se rāz-e-nihāñ dil

nahiñ duniyā ko dildārī kī aadat
sunā.e kis ko apnī dāstāñ dil

na pūchho be-Thikānoñ kā Thikānā
vahīñ ham bhī the sargardāñ jahāñ dil

kaTī hai zindagī sab rañj khāte
kahe kyā umar bhar kī dāstāñ dil

hameñ bhī thī kabhī milne kī lazzat
hamārā bhī kabhī thā naujavāñ dil

na baaz ā.ūñgā maiñ ulfat se jab tak
uThā.e jā.egā jaur-e-butāñ dil

ġham-e-ulfat ġham-e-duniyā ġham-e-dīñ
uThā.e baar kyā kyā nā-tavāñ dil

samajh meñ ḳhaak aa.e aql kī baat
ga.e hosh-o-ḳhirad aayā jahāñ dil

unheñ rahm aa.e to kyā aa.e 'parvīñ'
vo lā-parvā hai merā be-zabāñ dil

dil ke nagar meñ chaar taraf jab ġham kī duhā.ī baiTh ga.ī
sar pe hamāre dast-e-qazā se teġh-e-judā.ī baiTh ga.ī

ai dil us bāñkīt se hargiz shuġhl na kar tū lakḌī kā
haath qalam hai phir terā gar ek bhī ghaa.ī baiTh ga.ī

'mus.hafī' kyā pūchhe hai divāne haal safā-e-dil kā mire
thā to ye ā.īna raushan par ab kaa.ī baiTh ga.ī

jin ke jalvoñ se thā ābād jahān-e-dil-o-jāñ
merī nazroñ se nihāñ ho ga.e kab yaad nahīñ

ab musalsal bhī jo dhaḌke dil-e-nāshād mirā
kis ko mālūm tire dil ko ḳhabar ho ki na ho

dil par bhī aao ek nazar Dālte chaleñ
shāyad chhupe hue hoñ yahīñ din bahār ke

rag rag meñ phail jā.egā tanhā.iyoñ kā zahr
chupke se mere dil meñ utar jā.egī ye shaam

us galī kī zamīn-e-tafta se
dil-jaloñ kā surāġh nikle hai