Tags-Dil

jo ġham guzrā hai mujh par āshiqī meñ
so maiñ hī jāntā huuñ yā mirā dil

hamārā bhī kahātā thā kabhī ye
sajan tum jaan lo ye hai mirā dil

kaho ab kyā karūñ daanā ki jab yuuñ
birah ke bhaaḌ meñ jā kar paḌā dil

kahāñ ḳhātir meñ laave 'ābrū' kuuñ
huā us mīrzā kā āshnā dil

ham bhī dikhlā.eñ jahāñ ko dil ke dāġhoñ kī bahār
aap kī hāsil agar ham ko masīhā.ī rahe

tirī yādoñ se dil farozāñ kareñge
phir is ġham-kade meñ charāġhāñ kareñge

zarā hazrat-e-dil kī jur.at to dekho
ye nazzāra-e-husn-e-jāñ kareñge

talāsh-e-zīst meñ dil jaisī chiiz chhūT ga.ī
hikāyat-e-dil-o-jāñ fard fard itnī thī

maskan-e-māh-o-sāl chhoḌ gayā
dil ko us kā ḳhayāl chhoḌ gayā

dil ko ab ye bhī yaad ho ki na ho
kaun thā kyā malāl chhoḌ gayā

baap koī bhī musībat nahīñ aane degā
maañ mire dil meñ añdherā nahīñ hone degī

vo udhar se jā ke jo aatā hai use donoñ haal se dil meñ yaañ
kabhī soch hai kabhī fikr hai kabhī ġhaur hai kabhī taab hai

kyā samajh ā.eñgī tum ko ishq kī bārīkiyāñ
dil tumhārā jab talak dard-āshnā hotā nahīñ

din kā sūraj un pe likkhegā anokhe tabsire
ham ne jo tālīf kiiñ dil par kitābeñ sub.h tak

vo merā dil hai koī ret kā gharauñdā nahīñ
ki shoḳh maujeñ miTā.eñ use banā.eñ use

hai dil meñ dard kā lashkar paḌāv Daale hue
mile vo jān-e-ġhazal to kahāñ sajā.eñ use

vo dil kā dard sahī jaan ban gayā hai 'kamāl'
ham apnī jaan se jaa.eñ to bhuul jaa.eñ use

saaya hai gahrī chup kā akele makān par
dil mutma.in bahut hai magar is gumān par

ahl-e-dil dīda-e-tar dekh ke pahchān ga.e
maiñ samajhtā thā mirī baat abhī raaz meñ hai

jān-e-naġhma hai mire TuuTe hue dil kī sadā
ik yahī tār-e-shikasta hai jo har saaz meñ hai