Tags-Dil

kaun suntā thā nagar ke shor meñ dhīmī sadā
dil se uThtī thiiñ navā.eñ Duub jaane ke liye

tujh se hī sab bahār hai mire dost
tū hī dil kā qarār hai mire dost

terī yādoñ se dil huā ābād
varna ujḌā dayār hai mire dost

maiñ tujhe dil meñ basā luuñ magar itnā to batā
tū ḳhushī meñ mire sadmāt badal saktī hai

haath aa.e ḳhushī to ḳhush holo
dil ho ġhamgīñ to aañkh nam na karo

nit hai mirā kiina us ke dil meñ
patthar se sharār kyūñke jaave

kis vaj.h uThe vo muñh se ye dil
gulshan se hazār kyūñke jaave

hujūm-e-vāraftagī ke hāthoñ jo jaañ chalī to khulā ye uqda
ki tār-o-paud--eḳhayāl-e-dilbar se rishta-e-jāñ judā nahīñ hai

kal us but-e-bā-vafā se mil kar jo aur betāb ho gayā dil
huā ye zāhir ki ranj-o-ġham kī jahāñ meñ koī davā nahīñ hai

jamhūriyat ke biich phañsī aqaliyat thā dil
mauqa jise jidhar se milā vaar kar diyā

ai ḳhirad tujh se kisī dil ko jagāyā na gayā
ishq ke haath meñ to bol uThe patthar tak

'shād' itnī baḌh ga.ī haiñ mere dil kī vahshateñ
ab junūñ meñ dasht aur ghar ek jaise ho ga.e

dil meñ tire ḳhulūs samoyā na jā sakā
patthar meñ is gulāb ko boyā na jā sakā

dhaḌkā hai dil-e-zār tire zikr se pahle
jab bhī kisī mahfil meñ tirī baat chalī hai

az-bas-ki ḳhuun dil kā khātā hai josh har dam
mushkil huā hai ham ko iḳhfā-e-rāz karnā

karte haiñ choT āḳhir ye āhuān-e-badmast
āñkhoñ se us kī ai dil Tuk ehtirāz karnā

ai aah us ke dil meñ tāsīr ho to jānūñ
hai varna kaam kitnā patthar gudāz karnā

dil kī bigḌī huī aadat se ye ummīd na thī
bhuul jā.egā ye ik din tirā yaad aanā bhī

ḳhauf dil meñ na tire dar ke gadā ne rakkhā
din ko kashkol bharā shab ko sirhāne rakkhā

maiñ terī jumbish-e-mizhgāñ se kaañp jaatā hoñ
agarche dil ko ġham-e-do-jahāñ se Dar bhī nahīñ