Tags-Dil

maiñ is rañgīnī-e-aurāq se dil-shād kyā hūñgā
mire dil meñ nahīñ ab ārzū-e-ḳhuld bhī baaqī

hamesha dil havas-e-intiqām par rakkhā
ḳhud apnā naam bhī dushman ke naam par rakkhā

vahī ahd-e-rasm-o-rah-e-vafā vo dil-o-nazar kā mo.āmla
mujhe yaad hai mire mohtaram tumheñ yaad ho ki na yaad ho

vahī ġhuncha ġhuncha-o-gul-ba-gul vahī ruḳh-ba-ruḳh vahī dil-ba-dil
kabhī the chaman kī bahār ham tumheñ yaad ho ho ki na yaad ho

ye dil baitushsharf hai hādsoñ kā
ye dil maskan tirā ho jā.egā kyā

dil meñ jab se dekhtā hai vo tirī tasvīr ko
nuur barsātā hai apnī chashm-e-tar se āftāb

baat qismat kī to kuchh ai dil-e-nākām nahīñ
apnī taqsīr hai ye gardish-e-ayyām nahīñ

dil tire hijr meñ sarshār huā phirtā hai
ab kisī dasht meñ vahshat nahīñ kar saktā maiñ

mere chehre pe haiñ āñkheñ mire siine meñ hai dil
is liye terī hifāzat nahīñ kar saktā maiñ

zaḳhm ab dil ke chamak dete haiñ hīroñ kī tarah
ham tire shahr meñ rahte haiñ amīroñ kī tarah

kaun sā dil hai vo ki jis meñ aah
ḳhāna-ābād tū ne ghar na kiyā

chhoḌ kar dil ko dard jaa.e kahāñ
ye makīñ hai isī makān se ḳhush

jān-o-dil donoñ aap le jaa.eñ
maiñ huuñ sau dil hazār jaan se ḳhush

'pāshī' vo dil kā shahr ho dasht ho yā vo bahr ho
raushan nahīñ koī jagah un ke jamāl ke baġhair

vo jāma-zeb thā itnā ki takte hī rahiye
ye dil to chāhtā thā mustaqil rafāqat bhī

muddatoñ ke ba.ad phir nam ho ga.iiñ āñkheñ mirī
phir mire ehsās ke patthar meñ dil dhaḌkā kahīñ

TuuT kar chāhā tujhe lekin ye hasrat rah ga.ī
tujh se dil kī baat kahte tū agar miltā kahīñ

na dānish durust aur bīnish bajā
dil-o-dīda donoñ Thikāne lage

barbād-e-vafā ho kar masjūd-e-jahāñ dil ho
aadhe meñ bane masjid aadhe meñ sanam-ḳhāna

dil meñ hai ittifāq se dasht bhī ghar ke saath saath
is meñ qayām bhī kareñ aap safar ke saath saath