Tags-Dil

dekhte dekhte sitam terā
saḳht nāshād ho gayā hai dil

phir se Takrā gayā mujh hī se mire dil kā mafād
phir se barpā huā ik mārka-e-karb-o-balā

sach hai yuuñ to ġham bahut the qaid kar paa.e nahīñ
āsmāñ sar pe khulā thā dil ye be-par bhī na thā

jis darja tirī yaad meñ jaltā hai mirā dil
us darja girānī mire lahje meñ nahīñ hai

qayāmat dil pe na guzre to kahnā
tumhārā dil abhī TuuTā nahīñ hai

jis ġham se dil ko rāhat ho us ġham kā mudāvā kyā ma.anī
jab fitrat tūfānī Thahrī sāhil kī tamannā kyā ma.anī

iḳhlās-o-vafā ke sajdoñ kī jis dar par daad nahīñ miltī
ai ġhairat-e-dil ai azm-e-ḳhudī us dar par sajda kyā ma.anī

tujh teġh kī nigah se mirā kaT gayā hai dil
bhītar siine ke TukḌe ho kar phaT gayā hai dil

jab se jamāl terā maiñ dekhā hai ai sanam
tab se sabhī taraf se mirā haT gayā hai dil

andāz-e-nāz qahr hai us ke na maiñ kahūñ
par ḳhāl-o-ḳhat meñ jā ke tire baT gayā hai dil

aage ko baḌh sake hai na pīchhe ko haT sake
yaañ tak tire ḳhayāl meñ ab DaT gayā hai dil

zarrā se dekhte hī ye badlī nazar tirī
man meñ chhaTañkī ser pīchhe ghaT gayā hai dil

hotā hai shab ko jā ke ham-āġhosh ġhair se
ye baat sun ke yaar nipaT chhaT gayā hai dil

jaisā hai sabz ḳhat tirā aur shoḳh chashm
in donoñ biich aa ke mirā luT gayā hai dil

aa.e vo aur ga.e dil meñ charāġhāñ kar ke
ek lamhe meñ huī baat purānī kitnī

kise apnā banā.eñ koī is qābil nahīñ miltā
yahāñ patthar bahut milte haiñ lekin dil nahīñ miltā

mohabbat kā sila īsār kā hāsil nahīñ miltā
vo nazreñ bār-hā miltī haiñ lekin dil nahīñ miltā

tumhārā rūThnā tamhīd thī afsāna-e-ġham kī
zamāna ho gayā ham se mizāj-e-dil nahīñ miltā

haram kī manzileñ hoñ yā sanam-ḳhāne kī rāheñ hoñ
ḳhudā miltā nahīñ jab tak maqām-e-dil nahīñ miltā

ham apnā ġham liye baiThe haiñ us bazm-e-tarab meñ bhī
kisī naġhme se ab 'maḳhmūr' sāz-e-dil nahīñ miltā