Tags-Dil

tum bin sajnī jīvan apnā suunā āñgan TuuTā sapnā
dil ko tum se raah thī utnī ham ne kab ye jaanā thā

maut aur dil par kisī ko qaabū aa.e to apnī marzī aa.e
merī ḳhātir jaan gañvānā yaaro ek bahānā thā

bhor kā bichhḌā sāñjh ko lauTā apne kiye par pahroñ royā
dil kī biinā TuuT ga.ī thī phir bhī tum ko gaanā thā

ham samajhte the ġham-e-dil kā mudāvā hogī
vo nazar pursish-e-hālāt se aage na baḌhī

dekh dil ko mire o kāfir-e-be-pīr na toḌ
ghar hai allāh kā ye is kī to tāmīr na toḌ

tirī tirchhī nazar kā tiir hai mushkil se niklegā
dil us ke saath niklegā agar ye dil se niklegā

kahāñ tak kuchh na kahiye ab to naubat jaan tak pahuñchī
takalluf-bar-taraf ai zabt naala dil se niklegā

tasavvur kyā tirā aayā qayāmat aa ga.ī dil meñ
ki ab har valvala bāhar mazār-e-dil se niklegā

na ā.eñge vo tab bhī dil nikal hī jā.egā 'fānī'
magar mushkil se niklegā baḌī mushkil se niklegā

visāl-rut hai magar dil ko aisā lagtā hai
sitāra-e-shab-e-hijrāñ mirī talāsh meñ hai

ye kaisā ḳhvāb thā dhaḌkā sā lag gayā dil ko
ki ek shaḳhs pareshāñ mirī talāsh meñ hai

tumhārī yaad kī bārish barastī hai mire dil par
mirī āñkhoñ ko aatā hī nahīñ hai be-vazū honā

ġham se samjhautā kar liyā dil ne
ab yahāñ siskiyāñ nahīñ huuñ

har alam se har balā se mil ga.ī dil ko najāt
jab se terā ġham milā hai apne saare ġham ga.e

vo bhī kahte hue kuchh duur tak aa.e pīchhe
ham jo us bazm se nikle bhī to tauqīr ke saath

dil jahāñ larze umīdoñ kā tasavvur kar ke
maiñ ne ummīd ke āsār vahāñ dekhe haiñ

ghar kī dīvāroñ meñ yuuñ dil tañg na ho
DhūñDh mujhe maiñ is ghar kā darvāza huuñ

pukārā qāsid-e-ashk aaj fauj-e-ġham ke hāthoñ se
huā tārāj pahle shahr-e-jāñ dil kā nagar pīchhe

ye raqs-e-āfrīnash hai ki shor-e-marg hai ai dil
havā kuchh is tarah peḌoñ se mil mil kar guzartī hai

vo bād-e-sard kī be-mehr tezī hai
ki ḳhūn-e-dil bhī ab kuchh munjamid ma.alūm hotā hai