Tags-Dil

kisī kī narm-nigāhī kī aañch hai varna
ye dil-pazīr navā jalva-e-hunar bhī nahīñ

havā-e-shām se kitne charāġh jal uTThe
dayār-e-dil meñ tamannā kā ik sharar bhī nahīñ

nahīñ ḳhayāl sivā us ke aur hai dil meñ
jo maktab ishq meñ jaise paḌhā sanam kī kitāb

jalā diyā hai ki is ne bujhā diyā hai mujhe
pa dil kī aag ne kandan banā diyā hai mujhe

so ab maiñ ohda-e-duniyā se kyā ġharaz rakhūñ
kisī ne mansab-e-dil par biThā diyā hai mujhe

rahī na-gufta mire dil meñ dāstāñ merī
na us dayār meñ samjhā koī zabāñ merī

ḳhizāñ ke be-kaif manzaroñ kā ba-rañg-e-ḳhushbū javāb rakhnā
kisī kī yaad kā apne dil meñ koī mahaktā gulāb rakhnā

ik tajallī se munavvar kījiye qasr-e-hayāt
har tajallī par dil-e-ḳhāna-ḳharāb aayā to kyā

tirā lutf vaj.h-e-taskīñ na qarār sharh-e-ġham se
ki haiñ dil meñ vo gile bhī jo malāl tak na pahuñche

chalo 'faiz' dil jalā.eñ kareñ phir se arz-e-jānāñ
vo suḳhan jo lab tak aa.e pe savāl tak na pahuñche

ḳhvāhishoñ kī bādshāhī kuchh nahīñ
dil meñ shauq-e-kaj-kulāhī kuchh nahīñ

tire is marīz-e-dil tak tū kabhī pahuñch na paa.ī
tū ye baat so chhupā.e maiñ kahīñ chhupā nahīñ thā

pāniyoñ par jhilmilātī chāñdnī jaisā
mire dil kā samundar jab bhañvar kī zad meñ aa jaa.e

na koī ḳhvāb āñkhoñ meñ na dil meñ aasrā koī
na jū-e-ḳhūñ se bachne kā nazar meñ rāsta koī

junūñ bhī zahmat ḳhirad bhī la.anat hai zaḳhm-e-dil kī davā mohabbat
harīm-e-jāñ meñ tavāf-e-paiham yahī hai andāz-e-āshiqāna

hamārā dilbar-e-gulfām aayā
qrār-e-jān-e-be-ārām aayā

kamand-e-pech-o-tāb-e-zulf kuuñ khol
shikār-e-dil kuuñ le kar daam aayā

kare tā-bulbul-e-dil kuuñ ġhazal-ḳhvāñ
bahār-e-ishq kā hañgām aayā

birah ke mahke siiñ qatl-e-dil par
piyāda ġham kā le e.alām aayā

balā hai tujh nigah kī saif kā vaar
dil-e-betāb āḳhir kaam aayā